२०१७ साल जेष्ठ ३१ गते दिगाम को अमराइमा श्री अनन्त प्राथमिक बिद्यालय को नामबाट स्थापना भएको सो बिद्यालय २०१७ साल मङ्सिर २५ गते श्री नेपाल राष्ट्रिय जनता प्राथमिक बिद्यालय नामाकरण गरी दिगाम ३ कालिकानगरमा  सारिएको थियो । साथै २०२२ मा बिद्यालयलाइ स्थानीय  अभिभाबक को साधारण सभा गरी निम्न माध्यमिक सम्म बनाउने निर्णय गरे अनुसार सो बिद्यालयको नाम परिवर्तन गरी आदर्श निम्न माध्यमिक बिद्यालय बनाइएको थियो ।

बिज्ञान प्रयोगशाला,कम्प्युटर शिक्षा,खेल मैदान,पुस्तकालय,खानेपानि र शौचालयको उचित ब्याबस्था गरिएको सो क्याम्पस गुल्मीको ग्रामीण मुटु मानिने स्थान दिगाममा गुल्मीका प्राय स्थान तथा छिमेकी जिल्ला पाल्पा र अर्घाखाँचीका केही स्थान बाट अबलोकन गर्न सकिने स्थानमा रहेको स्थानिय बताउछन । बिधालय नजिक रहेका २ कालिका मन्दिर सो बिधालय र स्थानका लागि आकर्षण को केन्द्र बिन्दु हो ।

उच्च शिक्षालाई पनि अग्रेंजी माध्यममा अध्यापन गराउने लक्ष्य सहित बिद्यालयले दिने सेवा सुविधा सँगै आगामी दिनमा बिद्यार्थी भर्ना प्रतिशत बढ्ने आसा बिद्यालयले राखेको छ । साथै ग्रामीण क्षेत्रको नमुना तथा पहिलो आवासीय बिद्यालय बनाउने आफ्नो प्रमुख लक्ष्य भएको क्याम्पस स्रोत ब्यात्ती प्रमुख गुनाखर ज्ञवालीले बताए ।सो बिधालयको नामाकरण सम्बन्धमा एउटा प्रसँग भने अत्यन्त रमाइलो छ । बिद्यालयको नाम राख्ने क्रममा जसले राम्रो र उचित नाम प्रस्ताब गर्छ उसलाई १ रुपैया पुरस्कार राखिएको थियो । सोही प्रावधान अनुसार श्री आदर्श निम्न माध्यमिक बिद्यालय भनेर सोही गाउका भिमलाल पाण्डे ले प्रस्ताब राखेपछि सर्ब सहमति ले पारित गरि २०२२ साल मा उक्त नाम राखी भिमलाल पाण्डे लाइ रुपैया १ पुरस्कार दिइएको थियो ।

बिधालयको शैक्षिक स्तर, भौतिक सेवा सुविधा तथा वार्षिक नतिजा उत्तिकै सन्तोष जनक र प्रसंशा गर्न लायक सो बिधालयमा अध्ययन गरी देश तथा बिदेशमा रहेका भुपु बिद्यार्थी तथा अन्य शुभेच्छुक सबैबाट आर्थिक तथा नैतीक लगायतका अन्य सहयोगको अपेक्षा बिधालयले राखेको क्याम्पस प्रमुख गुनाखर ज्ञवालीले जानकारी दिनु भएको छ ।