'तम्घास बसपार्कमा औषधि आएको थाहा पाएका हौँ, अझै फेला परेको छैन,' केन्द्रका वैद्य रुद्रनारायण महतोले भने । विभागले एक वर्षका लागि आवश्यक औषधि एकैपटक पठाउने गर्छ । औषधि व्यवसायीले भने साताअघि बसपार्कमा आयुर्वेदिक औषधि अलपत्र परेको जानकारी पाएको बताएका छन् । 'औषधि अलपत्र परेको जानकारी पाएर मैले कार्यालयमा समेत खबर गरेँ,' औषधि व्यवसायी गणेश श्रेष्ठले भने । बसपार्कमा औषधि आएपछि भरियाले श्रेष्ठलाई औषधि आएको बारेमा जानकारी गराएका थिए । श्रेष्ठका अनुसार पाल्पादेखि तम्घाससम्म औषधि ढुवानी गरेका बसका चालकले ठेकेदारले पाल्पामा बसमा औषधि चढाउँदा भाडाबापतको रकमसमेत दिएका थिएनन् । बसचालकले बसपार्कमै औषधि झारिदिएको श्रेष्ठलाई जानकारी गराएका थिए ।

केन्द्रका कर्मचारीका अनुसार विभागले कार्यालयसम्म औषधि ढुवानी खर्चसमेत नदिँदा समस्या परेको बताएका छन् । कार्यालय बसपार्कबाट २ किलोमिटर टाढा पर्छ । विभागबाट आएको औषधि हराएपछि कार्यालयमा औषधि अभाव भएको छ । केन्द्रमा दैनिक २५ जना बिरामी स्वास्थ्य परीक्षणका लागि आउने गर्छन् । औषधि नआएपछि पूर्तिघाट, रिडी र पिपलधारा उपकेन्द्रमा पनि औषधि अभाव भएको छ ।