युएईमा पक्राउ पर्दैछन नेपालीहरु

Published on 2:42:00 PM //

संयुक्त अरव ईमिरेट्स (युएई)मा विगत एक वर्षयता नेपालीहरु धमाधम पक्राउ पर्न थालेपछि त्यहाँस्थित नेपाली राजदूतावासले सचेततना अपनाउन आग्रह गरेको छ। अधिकांस नेपालीहरु कानुनको अनभिज्ञताले गर्दा नै जेल जानुपरेको उल्लेख गर्दै दूतावासले संयुक्त अरव ईमिरेट्स सरकारको कानूनका बारेमा सदैव सर्तक रहनुपर्ने भनि गाँजा, चरेश, जाड, रक्सी, नग्न तथा अर्थनग्न तस्विर भएका किताव लगायतका चीजहरु साथमा लिएर यात्रा नगर्न आग्रह गरेको छ।

राजदूतावासले पटक-पटक सूचना, अनुरोध र अपीलहरु मार्फत जानकारी गराइएको जनाए पनि विगत एक वर्ष यता पक्राउ परी सेन्टर जेल अबुधावी लगायतका युएइमा रहेका अन्य जेलहरुमा सजाय भोग्ने नेपालीहरुको संख्या वढ्दो रुपमा रहेको दुखद यथार्थ पछिल्ला तथ्याङ्कहरुले देखाएका बताएको छ।

धेरैजसो परिस्थितिमा नेपालीहरु कानूनको अनभिज्ञताले गर्दा नै जेल जानुपरेको पनि राजदूतावासले जारी गरेको अपीलमा उल्लेख छ। एकपटक जेलमा परेपछि उक्त व्यक्तिको सामाजिक, नैतिक तथा मानसिक जीवनमा पर्नसक्ने प्रभावका वारेमा सवैलाई अवगत भएको तथा कानूनको अज्ञानता क्षम्य नहुने भन्दै सामान्य लापरवाहीका कारण पनि लामो समय जेल वस्नुपर्ने अवस्था आउन सक्ने बताएको छ।

सभार: दैनिकी