जिल्लाको पब्लिक क्याम्पस सञ्चालकको भेलाले समाजसेवी नन्दराम भुसाल अध्यक्षतामा ७ सदस्यीय नेपाल पब्लिक क्याम्पस संघ गठन गरेको छ ।
भेलाले उपाध्यक्षमा चक्रपाणि गौतम, सचिव प्रेमनाथ अर्याल, कोषाध्यक्ष परमेश्वर घिमिरे र सदस्यमा हरिप्रसाद गौतम, शोभाकर पन्त र छविलाल कुँवरलाई चयन गरेको छ । रेसुङ्गा बहुमुखी क्याम्पसमा आयोजना भएको भेलामा संघका केन्द्रीय उपाध्यक्ष डा. ईश्वर गौतम सहभागी थिए ।