जिल्लाको दुर्गम गाविस अर्बेनीमा नेपाल टेलिकमले नमस्ते मोबाइलको टावर निर्माण सुरु गरेको छ ।
अर्बेनीमा टावर निर्माण भएपछि त्यस क्षेत्रका हर्मिचौर, पूर्तिघाट, खड्गकोट, जयखानीलगायतका गाविसका बासिन्दाले सञ्चार सुविधा उपभोग गर्न पाउने छन् । अहिलेसम्म त्यस क्षेत्रका बासिन्दा सञ्चारबाट वञ्चित छन् । टावरले पर्वत र स्याङ्जाका उपभोक्तालाई समेत सहयोग पुग्ने टेलिकमले जनाएको छ ।