भरत पाण्डेय
गरिबीको कारण क्याम्पस भर्ना हुन नसकेकी सिमीचौरकी छात्रा लक्ष्मी हमालको उच्च शिक्षा पढ्ने धोको अब पूरा हुने भएको छ । जिल्ला प्रहरी कार्यालयको पहलमा विभीन्न व्यक्ति तथा संघ संस्थाको सहयोगमा सहयोग जुटेपछि उनको पढ्ने धोको पूरा हुने भएको हो ।
हमाललले आर्थिक अभावका कारण अध्ययन गर्न नपाएको भन्ने समाचार सञ्चारमाध्यममा आएपछि भगवती माध्यामिक विद्यालयका पूर्व प्रधानाध्यापक जय प्रकाश अर्याल र जिल्ला प्रहरी कार्यालयको पहलमा विभीन्न क्षेत्रबाट सहयोग जुटेको हो । प्रवेशिका परीक्षामा ७१ प्रतिशत अंक ल्याएर उत्तिर्ण भएपनि घरको आर्थिक अबस्था कमजोर भएका कारण अहिलेसम्म उच्च शिक्षाको लागी भर्ना हुन नसकेकी हमालले पढ्ने धोको पूरा गर्नका लागी सहयोगको लागी याचना गरेपछि सदरमुकामको महेन्द्र उच्च माध्यामिक विद्यलय, जिल्ला प्रहरी कार्यालय, नेपाल एस वि आई बैंक, लगायत विभीन्न व्यक्तिहरुले आर्थिक, पुस्तक तथा स्टेशनरी लगायतका जिन्सी सहयोग गरेका हुन् ।