घरमा गर्भवती श्रीमती हुँदाहुँदै दोस्री श्रीमती भित्र्याउने विरुद्ध उजुरी
Published on
8:47:00 PM //
नरेश भण्डारी
गुल्मी हाडहाडे गाविस-१ बर्दवासकी २० वर्षीया शर्मिला खत्रीले २५ वर्षीय पति गोकर्ण क्षेत्रीले बहुविबाह गरेको भन्दै ०६९ जेठ ३० गते जिल्ला प्रहरी कार्यालयमा उजुरी दर्ता गरेकी छन् ।
शर्मिलाले भुनवपोखरी गाविस-१ पाल्पाकी २२ वर्षीया शान्ती थापा मगरलाई ०६९ जेठ ६ गते कान्छी पत्नीको रुपमा भित्राएको र आफुलाई यातना दिएको आरोपमा उजुरी दिएकी हुन् ।
जिप चालक रहेका खत्रीले घरमा एक छोरा र पुन गर्भवती पत्नी हुँदाहुँदै सन्धीखर्कमा डेरा गरी बसेकी थापा मगरलाई दोस्रो पत्नीको रुपमा भित्राई फरार भएको पीडितले बताइन् ।
![](https://blogger.googleusercontent.com/img/b/R29vZ2xl/AVvXsEjI8I1_VhJQ_h_VbbLjLOXyOxCsB50eu9eJN-SEO5BQwVqsZ4ThwGdgmWyhoAjxSsvN78KsztD25fGO_Ft0q5yiOBe4J6fD0G7amF5avwfrcKYIVlRi-WZ2hzyADMehGN29P1QuOz_MFPPo/s1600/nepal_police_20120409095908.jpeg)