प्रेम सुनार
गुल्मी, असोज २६ । निर्माण व्यवसायि महासंघका केन्द्रिय अध्यक्ष जयराम लामिछानेले नेपालका निर्माण व्यवसायिहरुले कोरियाली निर्माण व्यवसायिसँग सहकार्य गर्न लागेको बताएका छन् । निर्माण ब्यवसायी संघ गुल्मीको चौथो जिल्ला अधिवेसन सदरमुकाम तम्घासमा उद्घाटन गर्दै उनले यस्तो बताएका हुन् । कोरियाली सरकार आफैले लगानी गरेर सम्पूर्ण निर्माण व्यवसायिहरुको संगठन बनयो’ उनले भने –‘१९५४ मा कोरियाले पहिलो पटक डोजर देखेको थियो । उसले निर्माण व्यवसायिहरुलाई देशको विकास निर्माणमा लगायो र आज विश्वको चौथो धनी राष्ट्र बनेको छ ।” उनले थपे–‘लामिछानेले चिनको समेत नेपाल सरकारले सिको गर्न पर्ने सुझाव दिए । जब चिनमा कम्युनजिम लागू भयो तब उसले फड्को मा¥यो । त्यतिबेला अन्य मुलुकले कुटनैतिक सम्बन्ध समेत नराख्ने भने तर उ आज विश्वको मुद्रा आर्जन गर्ने सफल मुलुक बनेको छ ।’
कार्यक्रममा प्रथम उपाध्यक्ष रवि सिंहले नेपालको राजनैतिक अस्थिरताका कारण देशका १७ हजार निर्माण व्यवसायिहरु काम विहिन अवस्थामा पुगेको बताए । उनले विपक्षमा बस्नै नचाहने यहाँका दलहरु अरुको सरकार बन्यो कि ढलाउने सुरमा लागेर बजेट समेत ल्याउन नदिदा यस्तो स्थिती आएको धारण राखे ।
कार्यक्रममा महासंघका महासचिव शरद गौचन, उप–महासचिव वासु उप्रेती, सह –कोषाध्यक्ष खोणानिधि लोहनी, पूर्व केन्द्रिय सदस्य रुद्र शर्माले पनि मन्तब्य राखेका थिए । अधिवेशनमा क्षेत्रिय संघ पेखराका अध्यक्ष ओम गौचन, महासचिव टंक बराल, क्षेत्रिय सदस्य दामोदर घिमिरे, क्षेत्रिय पूर्वउपाध्यक्ष बाल सिह काउछा, प्रमुख जिल्ला अधिकारी कविन्द्र नेपाल लगाएतका कार्यालय प्रमुखहरु, राजनैतिक दल, संघ सस्थाका प्रतिनिधिहरुको उपस्थिती थियो ।
निर्माण व्यवासायि संघ गुल्मीका अध्यक्ष हरिप्रसाद न्यौपानेको अध्यक्षतामा चलिरहेको कार्यक्रममा सचिव नारायण पोखरेलले गुल्मी जिल्लाको निर्माण व्यवसायको अवस्थाबारे प्रकाश पारेका थिए । उपाध्यक्ष गणेश तङ्नामी स्वागत मन्तव्य र सह सचिव हरीकुमार श्रेष्ठको सञ्चालन रहेको थियो । आज राती बन्द सत्र चल्ने र भोली नयाँ कार्य समितिको घोषणा गर्ने संघका कोषाध्यक्ष प्रितम काउछाले जानकारी दिए ।