घनश्याम गौतम
गुल्मी, माघ ३ - बलिथुम प्राविलाई निमावि बनाउन स्थानीय किसान नारद क“डेलले खेतीबाट कमाएको ७ लाख ५० हजार रकम विद्यालयलाई प्रदान गरेका छन् । उक्त विद्यालयमा अधिकांश कुमाल समुदायका बालबालिका पढ्छन् । उक्त विद्यालयबाट प्रावि स्तरको पढाइ सकेपछि थप अध्ययनका लागि नजिकै विद्यालय नहु“दा धेरैजसो बालबालिकाले पढाइ छाड्ने गरेको देखेर निमावि बनाउन सहयोग गरेको क“डेलले बताए ।
दाताकै नामबाट अब विद्यालयको नामसमेत परिवर्तन गरिने विद्यालय व्यवस्थापन समिति सदस्य तेजेन्द्र श्रेष्ठले बताए । दाता नारद
क“डेलले भने, 'विपन्न बालबालिकाले अध्ययनको अवसर पाउने र बुबाकै नाममा विद्यालयको नामकरण हुने भएपछि कफी, धान, मकै र घा“स बिक्री गरेर जम्मा गरेको पैसा दान दिएको हु“ ।'
'तत्काल ७५ हजार प्राप्त भएको छ,' व्यवस्थापन सदस्य श्रेष्ठले भने, 'बा“की रकम महिना दिनभित्र दिने प्रतिबद्धता व्यक्त गर्नुभएको छ ।' श्रेष्ठका अनुसार उनको बलिथुम गाविसका बडिघाट खोला किनारमा ३२ रोपनी खेत र केही पाखो जग्गा छ । क“डेल उक्त विद्यालयका व्यवस्थापन समिति अध्यक्ष हुन् ।
दाताको इच्छाअनुसार विद्यालयको नाम परिवर्तन गरेर बलिथुम नरहरि क“डेल निमावि बनाउने प्रक्रिया अगाडि बढाइएको विद्यालयका स्रोतव्यक्ति उमाकान्त अर्यालले बताए । शिक्षा नियमावलीमा निमाविका लागि ७ लाख प्रदान गर्नेका नाममा विद्यालयको सुरुको नाम जोडेर रकम दिनेको नाम राख्न सकिने व्यवस्था छ ।
अर्यालका अनुसार २०१९ सालमा प्रावि स्थापना भएको विद्यालय अहिलेसम्म पनि प्रावि नै थियो । प्रधानाध्यापक चिरञ्जीवी पोखरेलका अनुसार विद्यालयमा २ सय २१ विद्यार्थी छन् । तीमध्ये ६० प्रतिशत कुमाल समुदायका र १० प्रतिशत विपन्न एवं दलित छन् ।