कार्यक्रममा कफिमा काम गर्न यहाँ विभिन्न संघ संस्थाहरू क्रियाशिल भएपनि एक आपसमा समन्वय हुन नसक्दा काम प्रभावकारी हुन सकेको थिएन । सरोकारवाहरूले त्यसमा पनि प्रमुख जोड दिएका थिए । बढी कफिमा काम गर्ने संघ संस्थाहरू बिच सहकार्यको आवश्यकता महशुस गरियो’-आयोजक संस्थाका सचिव कृष्ण पन्थले भने, अब सम्बन्धित संस्थाले तिन तिन महिनामा समन्वय बैठक आयोजना गर्ने सहमति भएको छ ।’ त्यस्तै सेतो गवारोका कारण अधिकांश कृषकका कफि बोटहरू सुक्दै गएकोले त्यसको समयमै नियन्त्रण र सरकारी नियकाबाट हुनु पर्ने अनुसन्धानका बारेमा पनि छलफल भएको पन्थले बताए । सेता गवारो नियन्त्रण जिल्लाबाटमात्र सम्भव नभएकाले सरकारी तहबाट यसको पहल हुनुपर्ने कृषि विकास कार्यालयका वागवानी शाखा प्रमुख दोमलाल भुसालले बताए । सरकारी निकायबाटै सेतो गवारो नियन्त्रणका लागि अनुसन्धान जरूरी भएको ठहर पनि कार्यक्रमले गरेको छ ।