आन्तरिक परीक्षा संचालनमा पनि रोक

रासस

अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले मगरात राज्यअन्तर्गतका शैक्षिक संस्था बन्द आह्वान गरेपछि बुधबार गुल्मी जिल्लाका सम्पूर्ण शैक्षिक संस्थाहरू बन्द भएका छन् ।

हालै सल्यानका क्रान्तिकारीका जिल्ला अध्यक्ष दुर्गाबहादुर बुढा र जिल्ला सदस्य रिमबहादुर रावतमाथि लगाइएको झुट्टा मुद्दा तत्काल खारेजको माग गर्दै उक्त शैक्षिक संस्था बन्दको आह्वान गरिएको हो ।

अखिल नेपाल राष्ट्रिय स्वतन्त्र विद्यार्थी युनियन -क्रान्तिकारी) का जिल्ला अध्यक्ष यदु ज्ञवालीले एक विज्ञप्ति जारी गरी गुल्मीमा बुधबार शैक्षिक संस्था बन्दको घोषणा गरेका हुन् ।

बन्दको कारण गुल्मीका सम्पूर्ण शैक्षिक संस्थाहरूको पठनपाठन ठप्प बनेको छ भने कतिपय विद्यालयले सञ्चालन गरेका आन्तरिक परीक्षाहरूसमेत रोक लगाइएको छ ।