भारतकै चौथौ ठूलो र प्रतिष्ठित बताइने दिल्लीको मालवियानगर स्थित सागररत्न प्याराडिस नामक होटेलमा पाचँ वर्ष देखि वेटरमा काम गर्ने गुल्मी, अर्जे गाविस वार्ड नं. ५ निवासी २२ वर्षीय यमचन्द्र अर्याल (रामु) गत जेष्ठ २ गते राती करिव २ बजे सोही स्थानको इन्दिरा गान्धी पार्कमा मृत अवस्थामा फेला परेका थिए । दिल्ली प्रहरीले उनको हत्या भएको र हत्यारालाई पक्राउ गर्ने तथा उक्त होटलवाट क्षतीपूर्ति दिलाइदिने आश्वासन दिदै मृतकका दाजु चुरामणी अर्याललाई झिकाएर शव वुझ्न बाध्य पारिएपनि हालसम्म हत्यारा पक्राउ गर्ने तर्फ त्यहाँको प्रहरीले चासो नदेखाएको मृतककी श्रीमती हुमकली अर्यालले गुनासो गर्नुभयो । त्यसपछि पनि दुई तीन पटक पुगियो, तर त्यहाँको प्रहरीले भाईको मृत्यू पशुतुल्य मृत्यु जस्तै सम्झेर बेवास्ता गरेको दाजु चुरामणीले गुनासो गर्नुभयो ।