धौलागिरि सामुदायीक श्रोत बिकास केन्द्र बागलुङले दिगो भू–व्यवस्थापन कार्यक्रम सञ्चालन गरेपछि बागलुङ जिल्लाको अधिकारीचौर गाविसका महिलाहरु चुलोचौको छोडेर तरकारी खेती गर्नतर्फ लागेका हुन । दिगो भू–व्यवस्थापन कार्यक्रम लागु भएपछि गोठे मल सुधार र गाई भैसीको मुत्र संकलन गरी खेतवारीमा प्रयोग गर्दा उत्पादनमा बृद्धि भएको भन्दै अधिकारीचौरका महिलाहरु तरकारी खेती गरेर आय आर्जन गर्न थालेका छन । तरकारी खेती गरेर यसरी आम्दानी हुन्छ भन्ने आफुले नसोँचेको अधिकारीचौर २ का कमला पौडेलले वताउनुभयो । उहाँले तरकारी खेतीबाट भएको आम्दानीबाट छोराछोरी पठाउनेदेखि घरखर्ची चलाउने सम्म गरिरहेको वताउनुभयो ।