पि.एम.मगर

नेपाल मगर संघ, इलाका नं. ६ को इलाका अधिवेशन शनिवार सम्पन्न भएको छ ।

कार्यक्रममा प्रमुख अतिथि नेपाल मगर संघका जिल्ला अध्यक्ष श्रीप्रसाद भलामी मगर, दिगाम गाविसका गाविस सचिव लिलवहादुर सिँजाली मगर लगायतले प्रशिक्षण मन्तव्य व्यक्त गर्नुभएको थियो । कार्यक्रममा वोल्दै प्रमुख अतिथि भलामीले मगर समुदायको राजनीतिक, सामाजीक, आर्थिक, साँस्कृतिक तथा शैक्षिक शसक्तीकरणमा जोड् दिनुभएको थियो । उहाँले मगर समुदायमा अझै पनि आफुलाई मगर हुँ भन्न डराउने प्रवृति कायमै रहेको उल्लेख गर्दै अव शुरु हुन लागेको जनगणनामा अनिवार्य मगर थर उल्लेख गर्न मगर समुदायमा आग्रह गर्नुभएको छ । त्यस्तै अव वन्न लागेको संविधानमा जनजातिहरुको अधिकार सुनिश्चित गर्नतर्फ पनि ध्यान पुर्याउन अत्यन्त जरुरी रहेको उहाँले वताउनुभएको छ । 

कार्यक्रम अमरवहादुर गाहा मगरको सभापतित्व तथा मानवहादुर पुनको सञ्चालनमा सम्पन्न भएको थियो । सोही अवसरमा नेपाल मगर संघ अज्र्याङ्ग गाविसको तदर्थ समिति समेत गठन गरिएको छ । समितिको संयोजकमा विरवहादुर सोमै मगर, सहसंयोजक अमरवहादर गाहा मगर, सचिव कर्णवहादुर पालुङ्गे मगर, सदस्यहरुमा माया वुचा मगर, तीर्थवहामदुर पालुङ्गे मगर, पे्रेमकला सोमरे मगर, ववि वहादुर घर्ति मगर, पार्वता वुँचा मगर र राधा वुँचा मगर रहनुभएको छ । कार्यक्रममा नवगठिट समितिका अध्यक्ष विर वहादुर सोमै मगर र सचिव कर्णवहादुर पालुङ्गे मगरले प्रतिवद्धता मन्तव्य व्यक्त गर्नुभएको थियो भने प्रमुख अतिथि संघका जिल्ला अध्यक्ष श्रीप्रसाद भलामीले शुभकामना तथा वधाई मन्तव्य व्यक्त गर्नुभएको थियो ।