शिबलाल सुबेदी

तम्घासमा मदिरा सेवन गरी उच्छृङ्खल कृयाकलाप गर्दै हिडेका केही यूवाहरुले गएराती सामुदायीक रेडियो स्काईका २ जना सञ्चारकर्मीहरुमाथी कुटपिट गरेका छन् ।

सञ्चारकर्मीहरुमाथी भएको आक्रमण प्रति नेपाल पत्रकार महासंघले आपत्ति प्रकट गरेको छ । स्वतन्त्र सञ्चारकर्मीहरुमाथी एक्कासी आक्रमण गरेको घटनाको हामी घोर भ्रत्सना गर्दै यस्ता उछ्र्रिङ्खल यूवाहरुको गैर जिम्मेवारपूर्ण क्रियाकलाप तुरुन्त रोक्न र सञ्चारकर्मीमाथी आक्रमण गर्नेहरुलाई यथाशिघ्र पक्राउ गरी तुरुन्त कार्वाही गर्न माग गरीएको छ । महासंघका सचिव भरत पाण्डेयद्धारा जारी विज्ञप्तीमा यस्ता उछ्रिङ्खल यूवाहरुको कृयाकलापले सञ्चारकर्मी लगायत सर्वसाधारणलाई समेत रातको समयमा हिडडुल गर्न र पसल सञ्चालन गर्न समस्या भएको भन्दै यस्ता कृयाकलाप गर्नेहरुलाई कडा कार्वाही गर्न माग गरीएको छ ।  

रेडियो स्काई सञ्चालक समितिका अध्यक्ष शालिक पन्थी तथा रेडियो संयोजक जिडी जोन्स रीयाजले पनि आक्रमणको घोर भ्रत्सना गर्दै दोषीमाथी यथाशिघ्र कार्वाहीको माग गर्नुभएको छ । यसैगरी प्रेस चौतारी नेपालका उपाध्यक्ष लोकनाथ आचार्य, क्रान्तिकारी पत्रकार संघका संयोजक प्रेम सुनार लगायतले समेत विज्ञप्ती जारी गर्दै यस्ता अभद्र र उछ्रिङ्खल कृयाकलापको भ्रत्सना गर्दै आक्रमणकारीलाई तत्काल पक्राउ गरी कार्वाही गर्न माग गरीएको छ।