आदिबासी जनजाती महासघंले गरेको नेपाल बन्दले गुल्मी जिल्लाको जनजिवन पनि बिहानै देखि प्रभावित बनेको छ । बिभिन्न मागहरु राख्दै चरणबद्ध आन्दोलन गर्दै आएको आदीवासी जनजाती महासघंले शुक्रबार १ दिनका लागि बन्दको आवह्न गरेको हो । बन्दका कारण गुल्मी जिल्लाको सदरमुकाम तम्घास तथा आसपासका क्षेत्रहरुको जनजिवन प्रभावित बनेको हो । 

बाग्लुङ बजारको एक सटरअगाडि नाम्लोको सिरानी राखेर सुतिरहेका मजदुर। आदिवासी जनजातिले शुक्रबार आह्वान गरेको बन्दका कारण ' भारी बोक्ने मजदुरले पनि काम नपाएको बताए । तस्बिरः दीलिप पौडेल/नागरिकन्युज

बन्दले बिहानै देखि सदरमुकाम तम्घास सुनसान बनेको छ भने यहाँबाट छुट्ने लामो तथा छोटो दुरिका सवारी साधनहरु समेत चलेका छैनन । बन्दे जिल्लाका सम्पुर्ण पसल, शैक्षिक सस्था, उद्योग, कलकारखाना बन्द रहेका छन । बन्दले कक्षा १२ को परिक्षालाई भने कुनै असर नपर्ने  महासघंले जनाएको छ । बन्दका क्रममा एम्बुलेन्स, प्रेस, मानवअधिकारकर्मी, बिवाह, शवबाहन, पर्यटकका सवारी साधनहरु भने निर्वाध रुपमा सञ्चालन हुने समेत महासघंले जनाएको छ ।