मुलुक गरिबी र बेरोजगारकै कारण अहिलेको अवस्थामा आइपुगेको बताउँदै विष्टले सरकार त्यस्ता समस्या समाधानमा समेत प्रयासरत रहेको बताए । 'यो सरकार जनताको चाहाना अनुसार शान्ति स्थापना र संविधान जारी गर्नेमा लागि परेको छ', मन्त्री विष्टले भने, 'जनताको आर्थिक र सामाजिक परिवर्तन गरी जिवनस्तर उकास्ने कार्यमा पनि सरकार केन्दि्रत भएको छ ।'

विष्टले सरकारले जनताका विकास र आर्थिक समृद्धिका लागि सम्बोधन गर्ने गरी छिट्टै बजेट ल्याउन लागिएको बताए ।

मन्त्री विष्टले अहिले विभिन्न शक्ति केन्द्रहरुले संविधान सभा भन्दा बाहिरबाट संविधान जारी गर्ने प्रयासहरु भैरहेको भन्दै त्यसको विरोध गरे । 'हामी शक्ति केन्द्रको प्रयासलाई असफल पार्दै संविधान सभाबाटै संविधान जारी गर्ने गरी अगाडी बढीरहेका छौं, त्यौ छिट्टै नै हुनेछ', उनले भने ।

मन्त्री विष्टलाई पुर्कोटदह, भनभने, हाडहाडे, मलायागिरी, बाँझकटेरी, म्यालपोखरी, अग्लुङ्ग, सिर्सेनी, वाग्ला, इश्मारजस्थल, अर्घाखाँचीको हंसपुर, प्यूठानको सौतामारे, बाङ्गेमरोठ लगायतका गाविसहरुले सर्वदलिय निर्णय गरेर दोसल्ला र सम्मानपत्रसहित सम्मान गरेका थिए । दुई दर्जनबढी आमा समुह र युवा क्लबहरुले समेत विष्टलाई सम्मान गरेका थिए ।

'जिल्लाकै विकासप्रेमी नेता मन्त्री बनेको खुशीयालीमा सम्मान आयोजना गरेका हौं', आयोजक पुर्कोटदहका शेखर पन्थीले भने, 'यो सम्मान व्यक्ति र कुनै एक राजनीतिक पार्टीको नभएर जनताको तर्फबाट सामुहिक सम्मान हो ।'

सम्मानसँगै मन्त्री विष्टलाई गाउँलेहरुले बिजुली, खानेपानी, सिँचाइ, सडक शिक्षा लगायतका क्षेत्रमा सहयोग पुर्‍याउन आग्रह गर्दै दर्जनौं मागपत्र बुझाएका थिए ।

सम्मानका लागि टाढाका गाविसहरुबाट आउनेहरुलाई आयोजकले खाने व्यवस्था समेत मिलाएको थियो । विष्टले जनताका मागहरुलाई आफुले सक्दो सम्बोधन गर्ने बताए ।

रक्षा मन्त्री विष्णु पौडेलसहित आएको हेलिकप्टर विष्टलाई पुर्कोटदहमा छोडेर सल्यान, प्यूठान, दाङ्ग लगायतका नेपाली सेनाका ब्यारेक अनुगमन र प्यूठानको स्वर्गद्वारी दर्शनमा निस्केको थियो ।

अनुगमन र दर्शनपछि फर्केका विष्णु पौडेलले पुनः पुर्कोटदहमै आएर विष्टलाई लिएर सोमबार साँझ काठमाडौं फर्किएको छ ।