गुल्मी जिल्लाको सदरमुकाम तम्घासको एक होटलमा तीन दिनदेखि एउटा गाई पलङमा वस्न थालेको छ । तम्घास स्थित पुरानो वैंकरोडमा रहेको सापकोटा साकाहारी भोजनालयमा एकाविहानै एउटा गाई वैठक कोठाको पलङ्मा गएर वस्ने गर्दछ ।

उज्यालो हुनासाथ विहानै चारवटा गाईहरु आउने र घरमा आएपछि सरासर भान्साकोठामा पुगेर वाहिर निस्कने गर्दछन् । तर एउटा गाई भने भान्सावाट निस्केपछि सरासर वैठक कोठामा पुगेर त्यहाँ रहेको पलङ्मा वस्ने गर्दछ । कहिले वैठक कोठाको भुँईमा त कहिले पलङ्मा वस्न थालेपछि मानिसहरुले अनौठोमानि उक्त गाई हेर्नलाई झुम्मिन थालेका छन् । रेसुङ्गा स्थित यज्ञशालावाट आएका ति गाईहरु दिउसो र रातको समयमा वाहिर वस्ने गरेको र विहान उज्यालो हुँनासाथ सरासर घर भित्र पस्ने गरेको घर मालीक हिरामणी सापकोटाले वताउनु भयो ।

कली युगमा भगवानले म गौरुप भएर आउछु भन्ने कुरा वेदमा समेत वर्णन गरेको भन्दै सापकोटाले उक्त गाई सरासर पलङ्मा गएर वसेको देख्दा आफु पनि अचम्म परेकॊ वताउनु भयो । यस अघि एउटा वुढी गाईले ती गाईहरुलाई संगै लिएर आउने गरेको उहाँको भनाई छ । उक्त गाई हिजोदेखि विहानमा आएपछि दुई घण्टासम्म वसेर फर्कने गरेको वताईएको छ । सापकोटाका अनुसार त्यो गाई आफ्नी श्रीमतीको बर्ष दिन यहि असार ५ गते हुने भएकोले श्रीमतीको पुरुष आएको भनेर भनिएको छ ।
भिडियो हेर्न तल क्लिक गर्नुहोला