कार्यक्रममा भवन निर्माणका सामानहरुको पसल देखि लिएर खाद्यान्नका सामानहरुको समेत पसल राखिएको थियो । उक्त फन डेको दिन विभिन्न किसिमका शो भएका थिए जसमध्ये रोमनीया डान्स, कुकुरको खेल प्रतियोगीता, कुकुर प्रदर्शनी, क्लासिक कार प्रदर्शनी, लाटोकोसेरो खेल प्रदर्शन, धनुष काड बाजी, तिन तथा १० किलोमिटर दौड प्रतियोगिता, बाटल अफ बृटेनको संझनामा गरिएको एयर शो, नेपाली नृत्य प्रदर्शनी, नौमती बाजा लगायतका प्रदर्शनीहरु निकै रोचक रहेका थिए । १५० भन्दा बढी विभिन्न किसिका पसलहरु राखिएको उक्त दिनको कार्यक्रमहरु विभिन्न टिभी च्यानल तथा इन्टरनेटमा सिधा प्रसारण समेत गरिएको थियो ।


दिउसो २ः१५ बजे केस्टलबाट नौमती टिमले शुभ साइत, नहरा लगनको धुनमा नाच्दै झण्डै एक घण्टा लामो कार्यक्रम पस्तुत गरेको थियो । नेपाली भेषभुषामा सजिएका दिदीबहिनीहरुको नाच साथै सम्पूर्ण टिमलाई लिड गर्दै चिटिक्क नेपाली मगर भेषभूषामा सजिएर नौ वर्षकी ओसीन थापाले नेपालको राष्ट्रिय झण्डा फरफराई अगाडि हिडेकी थिएन भने नौमतीको धुनमा त्यहा“ उपस्थित सहभागीहरु रोचकता साथ नाचगान तथा नौमती धुनमा आफुलाई सहभागी बनाईरहेका थिए । केही अंग्रेजहरु पनि नेपाली भेषभूषामा सजिएर आएका थिए ।
सो कार्यक्रमको लागि नेपाली एकल तथा सामुहिक नृत्यको संयोजन सुरेश श्रेष्ठले गरेका थिए । नेपाली हस्तकलाका सामग्रीहरु प्रदर्शन तथा बिक्री वितरण दिपक प्रसाईले गरेका थिए । उसै गरी नेपालमा उत्पादित हर्वल चियाका साथै विभिन्न किसिमका खाद्य बस्तुहरु बेलायती बजारमा ल्याउनको लागि खगेन्द्र पाठक, होम परिवाग तथा श्रीराम न्यौपानेले प्रदर्शन गरेका थिए । कार्यक्रममा भिजिट नेपाल २०११ को लिफलेट वितरण गरेको थियो ।