सीता भण्डारी,

गएराति परेको वर्षातसँगै पहिरो जाँदा गुल्मी वलिथुममा एक घरगोठ पहिरोको जोखिममा परेका छन् ।

वर्षात सँगै वलिथुमको तारा हान्ने गहिरा भन्ने स्थानमा पहिरो जाँदा वलिथुम ९ निवासी पदम पुनको घरगोठ पहिरोको जोखिममा परेको हो । सोहि पहिरोकै कारण वलिथुम नेटा देखि गाविस भवन हुदै सानो लुम्पेक जोड्ने मोटरवाटो समेत अवरुद्ध वनेको छ । सडक अवरुद्ध वनेपछि आफुहरुलाई पैदल हिड्न समेत सास्ती भएको स्थनीयवासीहरुले वताएका छन् । त्यस क्षेत्रमा पटक पटक पहिरो जाँदा स्थानीयवासीले ठुलो समस्या खेप्दै आईरहेका छन् । सो मोटरवाटो वर्षातकै कारण ३ महिना सम्म अवरुद्ध भई केहिदिन अगाडि मात्रै सञ्चालनमा आएको थियो ।