फोटो: जनार्दन घिमिरे

जिल्ला अनुगमन समितीले बिहीबार सदरमुकाम तम्घास लगायत जिल्लाका करिव १ सय पसलहरुको अनुगमन गरि म्याद नाघेका तथा लेवलबिनाका अखाद्यबस्तु बरामद गरेको थियो । बरामद गरिएका त्यस्ता बस्तुहरु शुक्रबार जिल्ला प्रहरी कार्यलय गुल्मीको परिसरमा नष्ट गरिएको हो । यसरी नष्ट गरिएका बस्तुहरुमा बिस्कुट, चाउचाउ, दाल, सुजी, घ्यु, बेसार, खुर्सानीको पाउडर,कुरमुरे दालमोठ लगायत रहेका छन । जिल्ला बजार अनुगमन समितीले जिल्लाको सदरमुकाम तम्घास लगायत गौडाकोट, राजा, रुङखादह, बिरवास, भेडुवा, लुम्छा, बलेटक्सार र रिडी बजारका बिभिन्न पसलहरुको अनुगमन गरेको थियो । यस अगाडि पनि जिल्ला अनुगमन समिती गुल्मीको सदरमुकाम तम्घास बजारको मात्र अनुगमन गरेको थियो भने यस पटक जिल्लाका अन्य स्थानमा रहेका बजारहरुको पनि अनुगमन गरेको हो ।