कार्यक्रममा बोल्दै नेपाल उद्योग वाणिज्य महासंघका केन्द्रिय सदस्य एवं म्याग्दी उद्योग वाणिज्य संघका पुर्व अध्यक्ष प्रमोद श्रेष्ठले बिप्पा सम्झौताले नेपालको औद्योगिक विकासमा निकै फड्को मार्ने भएकोले यो सम्झौता गरेर प्रधानमन्त्रीले धेरै उदाहरणिय काम गरेको बताउनुभएको छ । कार्यक्रममा बोल्दै पर्वत नेपाल उद्योग वाणिज्य महासंघका अञ्चल संयोजक एवं पर्वत उद्योग वाणिज्य संघका अध्यक्ष होमनारायण श्रेष्ठले बिप्पा सम्झौता निकै स्वागतयोग्य भएर पनि आगामी दिनमा चुनौतिको सामना गर्नुपर्ने भएकोले राजनीतिक दलमा मुलुकप्रतिको चिन्तन भएमा मात्र व्यवसायीलाई ढुक्क भएर लगानी गर्ने वातावरण सृजना हुने बताउनुभएको छ ।

कार्यक्रममा म्याग्दी उद्योग वाणिज्य संघका अध्यक्ष कुबिर श्रेष्ठले म्याग्दी उद्योग वाणिज्य संघले दरबाङ क्षेत्रमा समेत उद्योग व्यवसायको बिस्तार भएकोमा आँफुलाई निकै गौरव लागेको भन्दै मुलुकमा शान्ति र सकारात्मक वातावरण भएमा गाउँगाउँमा उद्योग विस्तार हुने बताउनुभएको छ ।कार्यक्रममा म्याग्दी उद्योग वाणिज्य संघका पुर्व अध्यक्ष सुदर्शनकुमार श्रेष्ठ, दरबाङ इकाइका अध्यक्ष बिरबहादुर कार्की, नेतृत्व विकास तालिमका संयोजक सुविनकुमार श्रेष्ठ, म्याग्दी उद्योग वाणिज्य संघका महासचिव बेलबहादुर कटुवाल लगायतका पदाधिकारीहरु लगायतले बोल्नुभएको म्याग्दीबाट पत्रकार अगन्धर तिवारीले बताउनुभएको छ ।