घनश्याम गौतम
नेपाली कांग्रेसले आह्वान गरेको बन्द गुल्मीको सदरमुकाम तम्घास एवं ग्रामिण क्षेत्रहरुमा शान्तिपूर्ण छ । सोमबार विहानै देखि लामो तथा छोटो दुरीका कुनैपनि सवारी साधन चलेका छैनन् । सेवाग्राही अभावमा खुलेपनि प्रायः सबै सरकारी कार्यालयहरु सुनसान नै छन् । बन्दका कारण अर्धवार्षिक परिक्षा संचालन भैरहको सदरमुकामका सबै विद्यालयहरुले सोमबारको परिक्षा स्थगित गरेका छन् । रिडी र रेसुंगा क्याम्पसमा संचालित परिक्षा भने सुचारु नै छ । बजारका होटलहरु समेत बन्द भएका छन् । जिल्लाका कुनै पनि स्थानमा सवारी संचालन नभएको र अहिलेसम्म तोडफोड एवं हिंसात्मक घटना नभएको प्रहरी नायव उपरिक्षक राजकुमार बैदवारले जानकारी दिनु भएको छ ।