जनार्दन घिमिरे
जिल्ला प्रहरी कार्यालय गुल्मीले आज पत्रकार सम्मेलन गरि विभिन्न घटनामा संलग्न चार जना अभियुक्तहरुलाई सार्वजनिक गरेको छ । यसरी सर्वजनिक हुनेहरुमा चोरीको अभियोगमा पक्राउ परेका गुल्मी हस्तिचौर गाविस एक निवासी २२ वर्षीय नारायण जिसी र गुल्मी खड्गकोट गाविस २ निवासी १६ वर्षीय पम्फा नेपाली रहेका छन् । त्यसैगरि वहुविवाह गरेको अभियो गमा पक्राउ परेका गुल्मी नयाँगाउँ गाविस ९ निवासी ३८ वर्षीय राम वहादुर जोगि कुँवर र सोही ठाउँ निवासी १७ वर्षीय जमुना जोगिकुँवरलाई पनि प्रहरीले सार्वनिक गरेको छ ।
चोरीको अभियोगमा पक्राउ परेका नारायण जिसीले गत मंसिर १५ गते धुर्कोट रजस्थल गाविसमा रहेको नेपाल टेलीकमको सामानहरु टोडफोड गरेको र पम्फा नेपालीलाई मंसिर ३ गते खड्ककोट गाविस स्थित चन्द्रकला ढकालको घरवाट एक तोला सुनको सिक्रि चोरी गरेको प्रहरीले वताएको छ । उनीहरु चारै जना अभियुक्तहरुको जिल्ला अदालतमा मुद्दा दायर भएको जिल्ला प्रहरी कार्यालय गुल्मीका प्रहरी नायव उपरिक्षक राजकुमार वैदवारले वताएका थिए । १ जिल्ला प्रहरी कार्यालय गुल्मीले आज पत्रकार सम्मेलन गरि सार्वजनिक गरेका विभिन्न घटनामा संलग्न व्याक्तिहरु । तस्विर ः जनार्दन घिमिरे