घनश्याम गौतम
चोरी गरेर गुल्मीको सदरमुकाम सहित जिल्लाका ग्रँमिण क्षेत्रमा चल्ने गरेका २३ मोटरसाईकल पक्राउ गरी आज सार्वजनिक गरेको छ । असार देखि मंसिरसम्म विभिन्न स्थानमा प्रहरीले गरेको सवारी चेकजाँचका क्रममा त्यस्ता मोटरसाईकल पक्राउ गरिएको प्रहरीले जनाएको छ । सार्वजनिकसंगै प्रहरीले आवश्यक प्रमाण पत्र उपलब्ध गराएर चोरी भएको आफ्नो मोटरसाईकल पहिचान गरी लैजान सर्वसाधरणलाई एक साताको समय उपलब्ध गराएको छ ।
प्रहरी नायव उपरिक्षम राजकुमार बैदवारले पक्राउ परेका सबै भन्दा बढी लुम्बिनी अंचल कार्यालयको नम्बर उल्लेख गरिएका र केही बाग्मती र गण्डकी अञ्चलका समेत रहेको बताउनु भयो । जहाँबाट चोरी भएको भएपनि सर्वसाधरणलाई सजिलोका लागि ९८४६२५८१७० नम्बरको मोवाईलमा आफ्नो हराएको मोटरसाईकलको इन्जिन र चेसिज नम्बर लेखेर एसएमएस गरेपछि मिलेमा प्रहरीले आँफै सम्पर्क गर्ने गरी व्यवस्था मिलाएको बैदवारले जानकारी दिनुभयो ।
पक्राउ पछि सार्वजनिक गरिएका मोटरसाईकलहरु सबै चोरीका भएको अहिलेसम्मको अनुसन्धानमा खुलेको समेत प्रहरीले जनाएको छ । सार्वजनिक गरिएको सबै मोटरसाईकलहरु एक सातासम्म राखेर राजश्व कार्यालय भैरहवा पठाईने प्रहरीले जनाएको छ ।