जनार्दन घिमिरे
जिल्ला कृषि विकास कार्यालय गुल्मीको आयो जनामा गुल्मीको रुरु गाविस स्थित रिडीमा कृषि मेला प्रर्दशनी कार्यक्रम सम्पन्न गरिएको छ । कृषकहरुले उत्पादन गरेका उत्कृष्ट कृषि उपजहरुको प्रत्यक्ष अवलोकन गरेर त्यसको वारेमा जानकारी लिने उद्देश्यले उक्त मेला आयोजना गरिएको जिल्ला कृषि विकास कार्यालय गुल्मीका योजना अधिकृत मणिरत्न अर्यालले वताउनु भएको छ । कृषि प्रर्दशनिमा जिल्ला भित्रका २० गाउँविकास समिति अन्तर्गतका एक सय ३३ जना कृषकहरुले प्रदर्शनीमा कृषि उपजहरु प्रदर्शनका लागि ल्याईएका थिए ।
मेलामा परम्परागत भन्दा केही फरक प्रकृतिका कृषि वस्तुहरु समावेस गरिएको अर्यालले जानकारी दिनु भएको छ । यस्ता तरकारी तथा फलफुल वालीहरुमा कन्ने च्याऊ, दुधा, जुनार, भुँईकटर, वनतरुल, पिँडालु, सलगम, स्थानीय कालो काउली, व्रोकाउलील, कफी लगायतका वालीहरु प्रर्दशनीमा समेटिएका थिए । प्रर्दशनिमा जरेबाली, हरियो सागबाली, काउलीबाली, फलतरकारीबाली, सुन्तलाजात फलफुलबाली, नगदेबाली र बिबिधगरि सात विधाका ३४ जना उत्कृष्ट कृषकहरुलाई पुरस्कृत गरिएको थियो । ३४ जना मध्य सवै विधामा गरि ठूलो लुम्पेक गाविस अन्र्तगतका सृजनशील, नमूना र इन्त्रेणी कृषक समूहका १६ जना कृषकहरु पुरस्कृत भएका थिए ।
प्रर्दशनी मेलाको आकर्षकको रुपमा थानपतिका कृषक वालकृष्ण ज्ञवालीले उत्पादन गरेको ६ मिटर लामो ऊखु, अर्जै गाविसका कृषक गोपाल प्रसाद गौतमले उत्पादन गरेको ६० किलोको तरुल र वले टक्सारका कृषक सुनिता पचभैयाले उत्पादन गरेको परालमा फलेका कन्य च्याऊ, ठूलो लुम्पेक गाविस निवासी विरवहादुर रानाले उत्पादन गरेको नयाँ जातको एउटै वोटमा फलेको सातकिलो वरावरको दैलाजातको गोलभेडा, लगायतका उपजहरु र थोपा सिंचाई प्रविधि रहेका थिए । रिडीमा संचालीत माघि मेलाको अवशर पारेर जिल्ला कृषि विकास कार्यालय गुल्मीले हरेक वर्ष यस्तो कृषि मेला प्रर्दशनीको आयोजना गर्दै आईरहेको छ । चारदिनसम्म संचालीत प्रदर्शनीमा एकलाख कृषकहरुले प्रत्यक्ष अवलोकन गरेको प्रर्दशनी संयोजक रामप्रसाद पाण्डेयले जानकारी दिनु भएको थियो । मेला पुस तीस गतेदेखि संचालन गरिएको थियो ।