जनार्दन घिमिरे
 गुल्मी जिल्लाको सदरमुकाम तम्घासमा लगायत जिल्लाका शहरि क्षेत्रमा खाना पकाउने ग्यासको अभाव भएपछि यहाँका उपभोक्ताहरु निकै ठूलो समस्यामा परेका छन् । जिल्लामा गत दुईसाता यता ग्यास विक्रि गर्ने डिपोहरुमा ग्यासको आयात हुन नसकेपछि उपभोक्ताहरु यसरी समस्यामा परेका हुन् । ग्यास आउने पर्खाईमा कतिपय उपभोक्ताहरु कुर्दा कुर्दा हैरानै परेको गुनासो गरेका छन् ।
ग्यासको अभाव भएपछि कतिपय विद्यार्थीहरु खाना पकाउन नसकेर चाउचाउ खाएर विद्यालय पुगेका छन् भने कतिपय ग्यास आउछकि भनेर पर्खाइमा वस्दा विद्यालय जान समेत सकेका छैनन् । सदरमुकाम तम्घासमा कोठा भाडामा लिएर वस्ने कतिपय मानिसहरु ग्यासको अभावमा खाना पकाउन नपाएपछि घरतिर फर्किन थालेका छन् । कतिपय विद्यार्थिहरु ग्यास नभएपछि होटलमा पुगेर खाना खाएर विद्यालय पुग्ने गरेका छन् ।
जिल्ला प्रशासन कार्यालय गुल्मीले जिल्ला सदरमुकामका सवै ग्यासका डिपोहरुमा विहिवार अनुगमन समेत गरेको थियो । तर अनुगमनको क्रममा उसले रित्तो सिलिण्डरमात्र गोदाममा थन्किएको फेला पारेको थियो । ग्यासका डिपो संचालकहरुले आफुले ग्यास लिनभनि पठाएका सिलीन्डरहरु सम्वन्धित ठाउँमा पुगेर त्यत्तिकै थन्किएको वताएका थिए । जिल्लामा ग्यासको सहज आपुर्ति संभव नभएपनि आपुर्ति हुन सक्ने ग्यासका सिलिण्डरहरु सर्वसाधारणलाई फर्स्ट कम फर्स्ट सर्भिसको आधारमा विक्रि गर्न प्रशासनले विक्रेताहरुसंग आग्रह गरेको छ ।
ग्यासको आसमा वसेका आम उपभोक्ताहरु कतिवेला ग्यास आउला भनेर कुर्दा कुर्दा हैरानी खेप्नु परेको वताएका छन् । शुक्रवार विहानैदेखि ग्यास केही सिलिण्डर ग्यास आउने जानकारी पाउनसाथ मानिसहरु सदरमुकाम तम्घास स्थित सिद्धार्थ ग्यास डिपोमा विहानैदेखि लामवद्ध वनेका थिए । तर उक्त डिपोमा जम्मा १ सय १० सिलीण्डर ग्यास आएपनि सयौं उपभोक्ताहरु दिनभर लाईन वसेपनि वेलुकि निराश वन्दै फर्किन वाध्य वनेका थिए । जिल्लामा दुई सातादेखि ग्यासको अभाव वढेको हो ।
भिडियो हेर्न तल क्लिक गर्नुहोला ।