नारायण प्रभात मरासिनी जिल्ला ट्राफिक प्रहरी कार्यालय गुल्मीले अहिले पछिल्लो चरणमा सवारी चेक जाँचलाई तिब्रता दिएको छ । चेकजाँचको तिब्रतासंगै राजस्व संकलनमा पनि वृद्धि भएको छ । पछिल्लो समयमा वैशाखको पहिलो हप्तामै ६ दिनको अवधिमा ५१ हजार १ सय ५० रुपैया राजश्व संकलन भएको जिल्ला ट्राफिक प्रहरी प्रमुख रामप्रसाद पोखरेलले वताउनुभयो। जिल्लाका विभिन्न स्थानमा गरिएको चेक जाँचका क्रममा ट्राफिक नियम विपरित सवारी चलाउने ३ सय ५३ वटा सवारी साधनमाथि भएको कारवाहीवाट उक्त राजश्व संकलन भएको उहाँले वताउनुभयो। ट्राफिक चेकजाँचलाई यही गतिमा अगाडी वढाउने र यसको प्रभावकारीतासंगै विभिन्न जनचेतनामुलक कार्यक्रमहरुलाई पनि सञ्चालन गर्ने योजना तय भएको ट्राफिक प्रहरी प्रमुख पोखरेलले वताउनुभयो।