अपडेट गुल्मी
१ असार(गुल्मी)
गुल्मी जिल्लाकै गौरवको रुपमा रहेको धार्मिक एवं पर्यटकीय क्षेत्र रेसुंगाको प्रचारप्रसारमा सरकारी कार्यालयका कर्मचारीहरु उत्सुक देखिएका छन् । प्रसस्त प्रचारप्रसारसको अभावमा आझेलमा परेको रेसुङ्गा क्षेत्रको प्रचार प्रसारमा सहयोग पु¥याउने हेतुले कार्यालय प्रमुखहरुको वैठक रेसुङ्गामा वसेको छ । प्रमुख जिल्ला अधिकारी कविन्द्र नेपालको अध्यक्षतामा दिउसो वसेको जिल्लाका सम्पुर्ण कार्यालयका प्रमुखहरुको वैठकले रेसुङ्गा रेसुङ्गाको विकास विस्तार तथा प्रचारको लागी सक्दो सहयोग गर्ने निर्णय गरेको छ । साथै वैठकले जिल्लाको पश्चिमी गाविस अग्लुङ्गमा यहि असार ४ गतेवाट घुम्ती सेवा सञ्चालन गर्ने निर्णय गरेको छ । भौगोलिक हिसावले विकट गाविस अग्लुङ्गका जनतालाई सरकारी कार्यालयको सेवा प्रदान गर्नका लागी घुम्ती शिविर सञ्चालन गर्नै निर्णय गरिएको प्रमुख जिल्ला अधिकारी कविन्द्र नेपालले जानकारी दिनुभयो ।
साथै प्रत्येक कार्यलयमा धुमपान तथा सुर्तिजन्य पदार्थ सेवनलाई निरुत्साहित गर्नका लागी धुमपान मुक्त क्षेत्र संकेत गरिएको वोर्ड टाँस्ने निर्णय वैठकले गरेको छ । त्यसैगरी वैठकले गुल्मीको कुर्घा गाविसमा सञ्चालन हुन थालेको होम स्टेलाई सवै कार्यालयले सक्दो सहयोग गर्ने पनि निर्णय गरेको छ । यसअघि गुल्मी यातायात व्यवसायी संघको सहयोगमा गत जेठ २१ गते देखि रेसुङ्गामा नियमित जिप सेवा सञ्चालनमा आएको थियो । प्रशस्त संभावना वोकेको गुल्मी जिल्लाकै धरोहरका रुपमा रेसुङ्गा क्षेत्रमा यातायातका साधन नियमित रुपमा सञ्चालन नहुँदा दर्शनका लागी जाने भक्तजन तथा पर्यटकहरुलाई समस्या भएको थियो । पर्याप्त प्रचारप्रसारको अभाव तथा सम्वन्धित निकायको ध्यान नपुग्दा रेसुङ्गा क्षेत्र ओझेलमा परेको छ । जैविक विविधताले भरिपुर्ण तथा सुन्दर दृश्यावालोक गर्न सकिने रेसुङ्गा क्षेत्रमा प्रत्येक वर्ष साउन महिनाभर विशेष मेला लाग्ने गर्दछ ।