सीता भण्डारी
तीन दिनदेखि परेको अविरल बर्षाको कारण पहिरो जाँदा अवरुद्ध वनेको गुल्मीको रिडी-रुद्रवेणी सडक खण्ड पुर्ण रुपमा सुचारु हुन सकेको छैन । रिडी रुद्रवेणी सडक खण्ड अर्न्तगत ग्वादी गाविस ५ स्थित साँघुरेको भीर नजिकै शुक्रबार विहान सडक माथिवाट खसेको पहिरोले वाटो छेकेपछि उक्त सडक अवरुद्ध वनेको थियो । अवरुद्ध सडक सुचारु गर्न दिनभर उपभोक्ता समिति, गाविस र प्रहरीको सक्रियतामा कामदार लगायर पहिरो हटाउने प्रयास गरिएपछि एकतफिर्रुपमा सडक खुलेपनि पुर्ण रुपमा सुचारु नभएको जिल्ला प्रहरी कार्यालय गुल्मीले जनाएको छ ।
सडक अवरुद्ध वनेपछि शुक्रबार दिनभर वुटवलवाट वामी टक्सार हुँदै वुर्तिवाङ्गसम्म आवत जावत गर्ने सम्पूर्ण सवारी साधनहरु र यात्रुहरु रिडी र रुद्रवेणीमा अलपत्र परेका थिए । यसैगरी अविरल वर्षाको कारण सडक विग्रिएपछि गुल्मीका तीन दर्जन भन्दा वढी ग्रामिण सडकहरु समेत अवरुद्ध वनेका छन् । कतिपय सडक छेउछाउँमा ढिस्को खस्नुका साथै कतिपय सडकमा पानीको भलले खोलेरे खाल्डो पारिदिएपछि ग्रामिण सडककहरु विहिवारदेखि अवरुद्ध वनेका हुन् । सडक अवरुद्ध वनेपछि मानिसहरुलाई सदरमुकाम आवतजावत गर्न र उपभोग्य सामाग्रि हरुको ढुवानीमा समेत समस्या परेको छ ।
नेपालीको रेडियो डट कम डट एनपीबाट