जंगली च्याउ खाँदा गुल्मीमा एकै परिवारका तिन सहित पाँच बिरामी
Published on
3:36:00 AM //
घनश्याम गौतम
गुल्मी– जंगलबाट ल्याएको च्याउ खाँदा सदरमुकामसंगै जोडिएका अर्खले र दुविचौरका पाँच जना बिरामी परेका छन् ।
![](https://blogger.googleusercontent.com/img/b/R29vZ2xl/AVvXsEgNlHmpKfVnk_L0QeoXU32ClbVIutjwAX9q2w-nnt7LElco2orNmkkG2u4FVIluPYx-1vwHNtYu_oFj5QjDBoLLlzWiuLcCMlFggBWb06eM8oIqNlCMx6LlWaZDda5xD98d-rpP6Jl_7Sc3/s1600/photo_mushroom2.jpeg)
अत्यन्तै विपन्न परिवारका अर्खलेका तिन जना मध्ये दुई जनाको अवस्था गम्भिर रहेको जिल्ला अस्पतालका सिनियर अहेव रमेश पन्थीले बताए । ‘बाबु आमा दुवै बेहोस अवस्थामा थिए’, पन्थीले भने, ‘छोरीको अवस्था भने सामान्य नै थियो ।’ छोरी कमलाका अनुसार विहान रेसुंगा जंगल गएका दिदी र भाईले च्याउ टिपेर ल्याएका थिए । ६ जनाको परिबार भएपनि च्याउ पकाएर खान ढिला भएकाले अन्य तिन भाई बैनी खाना नखाई स्कुल गएकाले उनीहरु बिरामी पर्नबाट जोखिएका थिए । बिरामी पर्ने बेलबहादुरको परिवार निकै बिपन्न भएकाले जिल्ला अस्पतालले दुई एम्बुलेन्स र प्रति व्यक्ति १ हजार रुपैंयाका दरले आर्थिक सहयोग गरेर थप उपचार को लागि पाल्पा पठाएको अहेव पन्थीले बताए । अस्पतालमा भर्ना हुन आएका दुविचौरका दुई पनि बेहोसै अवस्थामा आएका थिए । उनीहरुलाई पनि तत्कालै मिसन अस्पताल पाल्पा पठाईएको अस्पतालले जनाएको छ । मिसन अस्पतालले बिरामी पाँचै जनाको अवस्थामा केही सुधार आएको जनाएको छ ।