यो पनि पढौँ: यस्तो रह्यो गुल्मी प्रहरिले आयोजना गरेको फोटो प्रदर्शनी (भिडियो)


पि.एम.मगर
गुल्मी, २६ असार । दिन प्रतिदिन अवलोकनकर्ताहरुको सँख्यामा वृद्धि हुँदै गएपछि जिल्ला प्रहरी कार्यालय गुल्मीले सदरमुकाम तमघासमा गत एक हप्तादेखि शुरु गरेको फोटो प्रर्दशनीको समय पाँच दिन थप गरेको छ । आज भन्दा भोली अवलोकनकर्ताहरुको सहभागीता उल्लेख्य मात्रामा वढ्दै गएको र धेरै अवलोकनकर्ताहरुले प्रर्दशनीको समय थप गर्न सुझाव दिएपछि प्रदर्शनीलाई आजदेखि थप पाँच दिनसम्म समय लम्वाईएको जिल्ला प्रहरी प्रमुख प्रहरी नायव उपरीक्षक राजकुमार वैदवारले जानकारी दिनुभएको छ ।
जिल्ला प्रहरी कार्यालय गुल्मीले गत ८ दिन अघिदेखि जिल्ला सदरमुकाम तम्घासमा फोटो प्रर्दशनी शुरु गरेको हो । प्रहरीले गत असार महिनादेखि हालसम्म एक वर्षको अवधिमा गरेका विभिन्न गतिविधिहरुलाई समेटेर प्रहरीको तर्फवाट जिल्लामा पहिलो पटक यसरी फोटो पर्दशनी शुरु गरेको हो । प्रहरी गतिविधिलाई जनता माझ देखाउन, विभिन्न घटनाहरुलाई नियन्त्रण गर्न र प्रहरीलाई घटनाको वारेमा सहयोग कसरि गर्नुपर्छ भन्ने वारेमा जानकारी गराउँदै सवैको सल्लाह र सुझाव लिने उद्देश्यले प्रदर्शनी गरिएको जिल्ला प्रहरी कार्यालय गुल्मीका प्रहरी नायव उपरिक्षक राजकुमार वैदवारले वताउनुभयो ।
सदरमुकाम तम्घास स्थित कर्मचारी मिलन केन्द्रमा आजदेखि एक सातासम्मका लागि राखिएको उक्त फोटो प्रर्दशनीमा प्रहरी र जनतासँगको छलफल, दुर्घटनाले पुराएको क्षती, दुर्घटना न्यूनीकरण, ट्राफिक नियम उलंघन, आत्महत्या, विभिन्न घटनामा संलग्न अपराधि र तिनीहरुले गरेका गतिविधिहरु र मावनीय उद्धार जस्ता विभिन्न विषय झल्किने तस्विरहरु समावेश छन् । प्रदर्शनी हेर्न दिनप्रतिदिन सर्वसाधारणहरुको समेत घुईचो लागेको छ ।