प्रेम सुनार
गुल्मी, १५ असोज । विश्व मुटु दिवसको अवसरममा राष्ट्रिय हृदय रोग निवारण केन्द्र गुल्मीले जिल्लाका विभीन्न अस्पत्तालका विरामीहरुलाई फलफूल वितरण गरेको छ । मुटु दिवसको अवसरमा मुटु र यसको महत्वको बारेमा जानकारी दिँदै विरामीलाई फलफूत वितरण गरीएको हो ।
जिल्ला अस्पत्ताल तम्घास र रेसुँगा अस्पत्तालका विरामीहरुलाई सहायक प्रमुख जिल्ला अधिकारी गौरव पन्थी, स्थानिय विकाश अधिकारी हरी प्रसाद अर्याल, टिम्बर कर्पोरेसन नेपालका पूर्व अध्यक्ष तथा समाजसेवी भरत बहादुर चन्द, लगायतले फलफूल वितरण गनुृभएको हो । फलफूलत विरतरण गर्ने क्रममा मुटु मानिसको निकै संवेदशिल अंग भएकोले यसलाई बचाउन खानपिनमा ध्यान दिनुपर्ने जानकारी समेत गराईएको थियो ।
कार्यक्रममा राष्ट्रिय हृदय रोग निवारण केन्द्र गुल्मीका अध्यक्ष शेर बहादुर थापाले अहिले धुमपान, मध्यपानको सेवन तथा खानपिनमा ध्यान नदिनाले हृदयघातको क्रम बढेको भन्दै मुटु बचाउने अभियानमा लाग्न सबैलाई अनुरोध गर्नुभएको थियो । संस्थाका सचिव तारा प्रसाद भुसालले संस्थाले गरीव र विपन्न विरामीहरुलाई मुटुको समस्या देखिएमा संस्थाले उपचारका लागी सहयोग गर्ने बताउनुभएको थियो ।