Gulminews.com

....गुल्मी चिहाउने एउटा सानो झ्याल

महायज्ञमा दलित महिलाहरु शोभायात्रा गर्ने

Published on 6:04:00 AM //


प्रेम सुनार
गुल्मी, १२ कार्तिक । विगतमा गरिने धार्मिक कार्यमा दलित महिलाहरुलाई सहभागि गराउन नरुचाउने परम्पराको अन्त्य गर्दै रेसुङ्गा बहुमुखी क्याम्पस तम्घासले गर्न लागेको महायज्ञको शोभायात्रामा दलित महिलाहरुलाई आम जातजाती सरह सहभागि गराउने भएको छ ।
कलश सहितको शोभायात्रामा दलित महिलाहरुलाई पनि सहभागि गराउने महायज्ञ मूल समारोह समितिको निर्णयलाई स्वागत गर्दै आम दलित महिला सहभागि हुन शिक्षिका मामनी विश्वकर्माले आग्रह गर्नुभयो । रातो साडी, रातो ब्लाउज र कलश सहितको एकरुपता हुने भएकोले त्यसको तैयारी गर्न आग्रह गरिएको छ । विगतमा यस्तो निर्णय गर्न हिचकिचाउने यहाँका मानिसहरु यस महायज्ञमा यस्तो निर्णय गर्नु स्वागतयोग्य भएको भन्दै दलित साझा मञ्च गुल्मीका अध्यक्ष गणेश विश्वकर्माले दलित आन्दोलनकै चरणको एक सफलता भएको टिप्पणी गर्नुभयो ।
यतिबेला यहाँको सबै समुदाय एक तन एक मनका साथ महायज्ञ सफल पार्न लागि परेका छन्, कार्यक्रम स्थल चिदीचौरले रुप बदलिसकेको छ । कार्तिक १५ देखि २२ गतेसम्म हुन गइरहेको महायज्ञको व्यवस्थापन कार्य लगभग अन्तिम चरणमा पुगेको मूल समारोह समितिका संयोजक सुरेश चन्द्र भुसालले जानकारी दिए ।

भिडियो समाचार
लोक दोहोरी
गफगाफ सेलिब्रेटिसँग