गुल्मी , कार्तिक ५ - तीन दिनअघि अरिंगालको टोकाइबाट घाइते हस्तिचौरकी थप एक बालिकको पनि मृत्यु भएको छ । यसअघि दुई बालिकाको मृत्यु भएको थियो ।

प्रहरी नायब उपरीक्षक गुरुविष्णु काफ्लेका अनुसार हस्तिचौर ७, रातचौरकी कुलबहादुर कुमालकी ३ वषर्ीया छोरी कुस्मा कुमालको उपचार क्रममा काठमाडौंमा मृत्यु भएको हो । यसअघि कुलबहादुकै १० वषर्ीया छोरी कृष्णा र रेनबहादुर कुमालकी ४ वर्षीया छोरी सजिना कुमालको मृत्यु भएको थियो । घाइतेमध्येकी रेनबहादुरकी श्रीमती सरस्वती कुमालको अवस्था सामान्य भएको छ । जिल्ला अस्पतालमा उपचार हुन नसकेपछि पाल्पा हुँदै काठमाडौं पुर्‍याइएकी कुस्माको उपचारक्रममा शुक्रबार साँझ मृत्यु भएको काफ्लेले बताए ।