दलहरु असफल भए, नयाँ क्रान्तिकारी शक्ति चाहियो ः श्रीस
Published on
7:07:00 PM //
प्रेम सुनार
गुल्मी १९ कार्तिक । नेकपा एकीकृतका केन्द्रिय सदस्य राम सिंह श्रीसले अहिलेका दलहरु पूर्ण रुपमा असफल भएकोले राष्ट्रको आवश्यकतालाई सम्बोधन गर्न नयाँ क्रान्तिकारी शक्तिको आवश्यकता रहेको बताउनुभएको छ । दलहरु सँधै सत्ता स्वार्थका लागी मात्रै अल्झिएर देश र जनताको लागी कुनै काम गर्न नसकेकोले अव नयाँ क्रान्तिकारी शक्तिको अनिवार्यता रहेको उहाँको भनाई छ ।
![](https://blogger.googleusercontent.com/img/b/R29vZ2xl/AVvXsEjhqUy3mk7ROOO9Sx6zIlSRwkEziGvM6oRugLDmn512jnsabz_QqUpHiaQka4-vh5-mtDoL6KWXpfaMgaU6wfB7Rb-w0nhEja-gCKAROH5j72kNJT94fOU0d5hj6fATl6sZvJNCwFV5rY2h/s1600/Gulmi+News.png)
२०४६ सालदेखि दलहरुले मिलेर शासन गरीरहेपनि जनतालाई झन् पिडा थप्दै गएकोले अव उनीहरुको विकल्प खोज्नैपर्ने उहाँको तर्क छ । काँग्रेस, एमाले र एमाओवादीले शासन गर्न थालेपछि झन् बेरोजगारी बढेको र देशको हित विपरीत असमान सन्धिहरु भएकोले अव नयाँ शक्ति को आवस्यकता परेको उहाँको भनाई छ ।
श्रीसले अहिले देशमा जननिर्वाचित निकाय कुनै पनि नहुँदा देश भ्रष्टाचार र मनपरीतन्त्रको अखडा बनेको समेत बताउनुभयो । माओवादीले आफै संविधानसभाको निर्वाचन घोषणा गरेर आफै फेरी संविधानसभा पुनस्र्थापना गर्नु ढुलमुले चरीत्र भएकोले यसले देशलाई निकाश दिन नसक्ने पनि उहाँको दावी छ ।