काठमाडौ, फाल्गुन १६ - रेजिना उप्रेतीले नायिका भएर जेजति नाम, दाम र काम कमाइन्, त्यसैलाई 'क्यास' गर्दै निर्माताका रूपमा पहिलोपटक दर्शक परीक्षामा उत्रिँदै छिन् । शोभित बस्नेतलाई निर्देशकमा लिएर बनाइएको 'वरदान' आउँदो शुक्रबारदेखि मुलुकभर लाग्ने भएको छ । 'मैले पहिलोपटक फिल्म बनाएकी छु, तपाइर्ंहरूले जस्तो देख्नुहुन्छ कृपया भन्दिनुहोला, म दुःखी हुन्छु कि भनेर डराउनुपर्दैन,' सोमबार पत्रकार भेटघाटमा रेजिनाले भनिन् । फिल्म राम्रो बनाएको दाबी गर्दै उनले आफूले यसअघि खेलेका फिल्म वा निर्देशक शोभितका फिल्मकै आधारमा 'वरदान' लाई मूल्यांकन नगर्न पनि आग्रह गरिन् । केही महिना बेलायत बसेर फिरेकी नायिकाले आफ्नो फिल्मबारे बेलायतमा राम्रो प्रतिक्रिया पाएकोले यहाँ पनि रुचाइने आशा व्यक्त गरिन् । रेजिना आफैं पनि खेलेको 'वरदान' मा राजेश हमाल, करिश्मा मानन्धर, मुकेश ढकाल, जयकिसन बस्नेत पनि छन् ।