शान्ति छन्त्याल
बुर्तिवाङ, असार २४ । निसीखोला तेस्रो लघुजलविद्युत आयोजना निर्माण सुरु गरिएको ६ बर्षपछि सम्पन्न भएको छ ।
बैकल्पिक ऊर्जा प्रवद्र्धन केन्द्र तथा राष्ट्रिय ग्रामीण तथा नविकरणिय ऊर्जा कार्यक्रमको आर्थिक अनुदान एवं डिसीआरडिसी बागलुङको सामाजिक परिचालन र प्राविधिक सहयोगमा २०६५ देखि निर्माण सुरु गरी हालै सम्पन्न १०० किलोवाट क्षमताको उक्त आयोजनाको आईतवार सफल परीक्षण गरिएको छ । आयोजनाबाट निसी गाविसका वडा नं १,२,३,४,५ का गरी ८ सय १६ घरधुरी बासिन्दा लाभान्वित हुनेछन् । आयोजना सम्पन्न गर्न झण्डै ३ करोड लगानी भएको जनाईएको छ ।