पि.एम.मगर
गुल्मी, कार्तिक ८ । गुल्मीको हस्तीचौरमा रहेका दुई छुट्टाछुट्टै माध्यमिक विद्यालयमा नेपाल विद्यार्थी संघको भेला सम्पन्न भएको छ । भेलाले इकाई समिति तथा छात्रा संघको समेत गठन गरेको छ ।
गाविसको वार्ड नं. ८ पालुखामा रहेको पालुखा माध्यमिक विद्यालयमा सम्पन्न भेलाले सन्दीप के.सी.को अध्यक्षतामा गठिट ७२ सदस्यीय नेविसंघको इकाई समिति गठन गरेको छ । समितिको उपाध्यक्षमा उत्तम श्रेष्ठ, सम्झना कुवँर, चन्द्रा थापा, सचिव रमेश थापा, सहसचिव माया घिमिरे, कोषाध्यक्ष डिलाराम पोखरेल लगायत रहनुभएको छ । त्यस्तै अस्मिता जिसीको अध्यक्षतामा ४६ सदस्यीय छात्रा संघको गठन गरिएको छ । संघको उपाध्यक्षमा माया कुवँर, सचिव अप्सरा थापा, सहसचिव उमाकला थापा, कोषाध्यक्षमा अनिता के.सी. लगायत रहनुभएको छ । कार्यक्रममा प्रमुख अतिथि नेपाली काँग्रेस हस्तीचौर ८ का वडा सभापति तिलबहादुर कुवँर, सदस्य शिवा घिमिरेलगायतले मन्तव्य व्यक्त गर्दै आसन्न संविधानसभा निर्वाचनलाई सम्पन्न गर्न तथा काँग्रेसको पक्षमा मत स्थापित गर्न आ–आफ्नो क्षेत्रबाट लागिरहने प्रतिबद्धता जनाएका थिए । नेविसंघका पुर्व इकाई सदस्य लिलबहादुर कुवँरको स्वागत मन्तव्यसँगै शुरु भएको कार्यक्रम पुर्व इकाई सदस्य रमेश थापाको अध्यक्षता तथा क्षेत्रीय कोषाध्यक्ष पार्वती के.सी.को सञ्चालनमा सम्पन्न भएको थियो ।
त्यस्तै सोही गाविस वार्ड नं. ६ मा रहेको देविस्थान माध्यमिक विद्यालयमा पनि नेपाल विद्यार्थी संघ इकाई समितिको गठन गरिएको छ । अप्सना पन्थीको अध्यक्षतामा गठिट ७५ सदस्यीय समितिको उपाध्यक्षमा कृष्ण खत्री, चिरन सारु, लिला परियार, सचिव सरिता पच्या मगर, सहसचिव सृजना कुवँर लगायत रहनुभएको छ । त्यस्तै लिला परियारको संयोजकत्वमा२५ सदस्यीय छात्रा संघको पनि गठन गरिएको छ । भेलामा विशेष अतिथि नेपाल तरुण दलका गाउँ कार्य समिति उपाध्यक्ष ज्ञानबहादुर सारु, नेपाल विद्यार्थी संघका क्षेत्रीय सहसचिव प्रदिप जिसी लगायतले मन्तव्य व्यक्त गर्नुभएको थियो । बसन्त रायमाझीको अध्यक्षतामा सम्पन्न कार्यक्रममा पालुखा माध्यमिक विद्यालयका पर्व इकाई सदस्य लिलबहादुर कुवँरले स्वागत मन्तव्य राख्नुभएको थियो भने सञ्चालन क्षेत्रीय कोषाध्यक्ष पार्बती के.सी.ले गर्नुभएको थियो ।