बारा , कार्तिक १० - एमालेका बारा क्षेत्र नम्बर ४ का उम्मेदवार महमुद आलमको हत्या अभियोगमा एमालेकै अर्का नेता रामचन्द्र प्यासी (कुशवाह) लाई पक्राउ गरिएको छ । प्यासीलाई शनिबार साँझ पक्राउ गरिएको हो । उनलाई आइतवार दिउँसो १ बजे बारा सार्वजनिक गरिंदैछ ।
आलमलाई उम्मेदवारी घोषणा गरेको २४ घण्टा नबित्दै गोली हानिएको थियो । पछि राजधानीस्थित त्रिविवि शिक्षण अस्पतालमा मृत्यु भएको थियो ।
प्यासी एमालेका पूर्व सभासद् हुन् । एमाले जिल्ला प्रचार संयोजक विष्णु पौडेलले दोषी भए जो सुकैलाई कारवाही गरिनु पर्ने बताए ।