Gulminews.com

आईतवार अर्घाखाँचीमा दुर्घटनाग्रस्त नेपाल बायु सेवा निगमको जहाजमा सवार १५ यात्रु र चालक दलका ३ सदस्य गरी १८ जना सबैको मृत्‍यु भयो । आईतवार दिउँसो देखी बेपत्ता बिमान सोमबार बिहान मात्र दुर्घटनाग्रस्त अवस्थामा भेटियो । दुर्घटनाग्रस्त बिमान फेला परेपछी नेपाली सेनाले गरेको उद्दरकार्यका केही तस्बिरहरु हेरौँ:








तस्बिरहरु सौजन्य: नेपाली सेना 

आइतवार दिउँसो १ बजेदेखि बेपत्ता नेपाल वायुसेवा निगमको ट्वीनअटर जहाज अर्घाखाँचीको ढिकुरा गाविसको मसिनेको जंगलमा फेला परेको छ ।
स्थानीय युवा कमल सारु स्थानीय अन्य युवाहरुसँग बिहान हिउँ खेल्न जाने क्रममा जहाजको सानो अवशेष फेला परेपछि खोजी गर्दै जांदा अन्य अवशेष पनि फेला परेको जनाएका छन्। दुर्घटनास्थलमा १८ जनाकै शव क्षतविक्षत अवस्थामा भेटिएको थियो। हिमपातले शवहरु पुरिएका थिए। अहिले जहाज दुर्घटना भएको स्थानमा नेपाली सेनाको हेलिकप्टर उद्धारको लागि अवतरण गर्ने प्रयास गरेपनि अत्यन्त भीर र खराब मौसमका कारण अवतरण गर्न नसकेको उनले बताए। घटनास्थलमा रहेका सारुले जिल्ला प्रहरी कार्यालय अर्घाखाँचीमा घटनाको बारेमा जानकारी दिएको र उद्धार टोली घटनास्थलतर्फ आउदै गरेको जानकारी दिए। दुर्घटनास्थलमा नेपाल टेलिकम र एनसेलका ठूला टावरहरु समेत रहेका छन्।
सुनौ गुल्मीन्युज सहकर्मी प्रेम सुनारले अर्घाखाँचीका निमित्त प्रहरी प्रमुख राजेन्द्र प्रशाद श्रेष्ठसँग गर्नुभएको टेलिफोन कुराकानी:

  मोबाइलमा सुन्न यहाँ क्लिक गर्नुहोला ।

अर्घाखाँची- नेपाल वायु सेवा निगमको ट्विनअटर विमान अर्घाखाँचीको खाँचीकोट १ मसिने लेकमा फेला परेको छ। दुर्घटनास्थलमा १८ जनाकै शव क्षतविक्षत अवस्थामा भेटिएको थियो। हिमपातले शवहरु पुरिएका थिए। अहिले घटनास्थलबाट ९ जनाको शव अर्घाखाँचीस्थित आर्मी क्याम्पमा ल्याइको छ। अर्को लटमा बाँकी ९ जनाको शव क्यम्पमा ल्याइनेछ। सबै शव जम्मा गरेर आर्मीको हेलिकप्टरबाट काठमाडौं ल्याउने तयारी गरेको पाल्पाबाट टेकनारायण भट्टराईले जनाएका छन्। 

५ फागुन, काठमाडौं । आइतबार दिउँसोबाट हराएको नेपाल वायु सेवा निगमको ट्वीनअटर विमान अर्घाखाँचीको ढिकुरा गाविसको ८ मसिनेलेकमा दुर्घटना भएको पुष्टि छ ।
घटनास्थल पुगेका प्रहरी निरीक्षक गोविन्द पन्थीले विमान दुर्घटनाग्रस्त अवस्थामा भेटिएको अनलाइखबरलाई बताएका छन् । सेना, प्रहरी र सशस्त्र प्रहरीको टोलीको उद्दार सुरु गरेको छ । घटनास्थलमा रहेका सशस्त्रका प्रहरी निरीक्षक किरण खत्रीले पश्चिम क्षेत्र शसस्त्र प्रहरी बल मुक्तिनाथ बाहिनीका बाहिनीपति डीआईजी नारायणबाबु थापालाई दिएको जानकारी अनुसार १८ जनाको शव भेटिएको छ । केहीको शव भने पहिचान हुन सक्ने अवस्थामा रहेको थापाले बताए ।
दुर्घटनास्थल करिब सात हजार फिट उचाईमा रहेको नेपाली सेनाले जनाएको छ ।
डाँडामा ठोकिएर दुर्घटना भएको अनुमान गरिएको विमानका टुक्रा र मृतकको शवका टुक्रा २/३ सय मिटर वरपर भेटिएका छन् ।स्थानीयबासीले सोमबार विहान मसिनेलेकमा विमान दुर्घटना भएको खबर गरेपछि प्रहरी टोली गएको थियो । यसअघि खिदिममा दुर्घटना भएको भनिएको थियो ।
काठमाडौंबाट पोखरा हुँदै जुम्लाका लागि उडेको विमानमा विमानमा चालक दलका सदस्य र एक बालकसहित १८ जना छन् ।
अन्तिम पटक १:१३ मा भैरहवा विमानस्थलसँग सम्पर्क हुँदा क्याप्टेनले मौसम खराव रहेको सूचना दिएका थिए । अपराह्नतिर त्रिभुवन विमानस्थल टावरका अधिकारीहरुले विमान अर्घाखाँचीको खिदिम जंगलमा दुर्घटना आशंका गरेका थिए ।

४ फागुन, काठमाडौं । पोखराबाट जुम्लाका लागि उडेको नेपाल नेपाल एयरलाइन्सको टि्वनअटर जहाज ९ एन एबीबी सम्पर्कविहीन भएको छ । विमानमा चालक दलका ३ सदस्य र १५ जना यात्रु थिए । १५ यात्रु मध्ये एक बच्चा रहेका छन् ।
पोखराबाट १२ः४० मा उडेको विमान ठाडा भन्ने ठाउँसम्म पुगेपछि सम्पर्कविहीज भएको थियो । पोखरा टावरसँग १ बजेर ६ मिनेटमा अन्तिम सम्पर्क गरेको विमानले अन्तिम पटक भैरहवा टावरसँग सम्पर्क गरेको थियो ।
सम्पर्क टुट्नुअघिसम्म जहाज १० हजार ५०० फिटको उचाइमा रहेको त्रिवुभव विमानस्थल स्रोतले बताएको छ ।
विमान जुम्लामा पौन २ बजे नै अवतरण भइसक्नु पर्ने थियो । तर, अहिलेसम्म सम्पर्कमा आएको छैन । विमानको खोजी भइरहेको पोखरा विमानस्थलका एयर ट्राफिक प्रमुख प्रतावबाबु तिवारीले जानकारी दिएका छन् ।

बाबुराम थापा
नयाँ दिल्ली, ३ फागुन । परिवर्तनका नारा लाउँदै भातीय राजनीतिमा छिटो प्रभाव जमाउन सकेको आम आदमी पार्टीबाट पछिल्ला समयमा प्रभावशाली नेता अरविन्द केजरीवालले दिल्लीको मुख्यमन्त्रीबाट राजिनामा (रात्री ८:३० २ फागुन, २०७०)  दिएका छन् ।
जनलोकपाल विधेयक पास गर्न असफल भएपछि उनले राजीनामा दिएका हुन् । उनी ४९ दिन अघिमात्र मुख्यमन्त्री भएका थिए ।
छोटो समयमे चर्चा पाएका उनले भनिएअनुसार सविधानसभामा आफ्नो सो विधेयकमा समर्थन नआएर असफल हुँदा नैतिकताका आधारमा राजिनामा गरेका हुन् ।
भ्रष्टाचारविरोधी दल आम आदमी पार्टीले विधानसभा निर्वाचनमा बढी सिट पाएपछि उनी मुख्यमन्त्री भएका थिए ।

 काठमाडौं, फागुन १ । धेरै धन कमाउने लोभमा अष्ट्रेलिया हिँडेका ८ जना नेपालीयुवा चार महिना देखि इण्डोनेसियामा जेलसजाय भोगिरहेका छन् । दलालको प्रलोभनमा पारेर मलेसियाबाट गैरकानुनी रुपमा अवैधानिक बाटो हुँदै पानीजहाजवाट अष्ट्रेलिया जाँदै गर्दा इण्डोनेसिया प्रहरीले उनिहरुलाई पक्राउ गरेको हो ।
पक्राउ पर्नेमा सर्लाहीका सिकेन्दर यादव,सोही ठाउँका सरोज यादव, रमेश, मोरङका बुद्ध, काठमाडौंका अविनाश पटेल, कपिलवस्तुका रविन्द्र शाह, रौतहटका उमेश प्रसाद र जनकपुरका भीमबहादुर रहेको सञ्चार माध्यमहरुले जनाएका छन् । मलेसियाको जोहोरबारुमा कार्यरत अवस्थामा म्यानमारकी सोनिया भन्ने एक महिला र विभिन्न नेपाली एजेण्टको सहायताले उनिहरु मलेसियावाट प्रतिव्यक्ति चार लाख तिरेर अष्ट्रेलिया जान लागेका थिए । सबैलाई इण्डोनेसियाको ताम्जुङ वलाईमा रहेको शरणार्थी क्याम्पमा राखिएको छ ।

आज फेब्रुअरी १४ अर्थात बिश्व प्रेम दिवस विश्वरभर प्रेमसाटासाट गरी यो दिवस मनाईदै छ । प्रेमीप्रमीकाहरुले प्रेमको प्रतीक रातो गुलाब साटासाट गर्ने र औपचारिक रुपमा प्रेम प्रस्ताव राख्ने प्रचलन छ । यस अबसरमा खासगरी फूल तथा अन्य उपहारहरु साटासाट गरीने चलन बढ्दो छ ।
पश्चिमा सँस्कृति भए पनि यस दिवसले नेपालमा पनि स्थान पाइरहेको छ । नेपाली युवा युवतीहरुले पनि यो दिवसलाई बिशेष महत्वको रुपमा मनाउने गर्दछन् । बिशेषगरी पार्क तथा मन्दिरहरुमा युवा युवतीहरुको भिड लाग्ने गरेको छ । ईसापूर्व २७० मा रोमका राजा क्लाउडियस द्वितीयले जनताहरु प्रेम, यौन र विवाहमा लिप्त रहँदा सैनिक सेवामा कोहि नलाग्ने र शान्ति सुरक्षामा खलल पुग्ने निष्कर्ष निकाल्दै प्रेम गर्न प्रतिवन्ध लगाएका थिए । तर पादरी भ्यालेन्टाइनले राजाको आदेश अस्वीकार गर्दै प्रेम गरेपछि उनलाई फेब्रुअरी १४ मा मृत्युदण्ड दिईएको थियो । भ्यालेन्टाइनलाई मृत्युदण्ड दिइएको सोही दिनको सम्झनामा हरेक फेब्रुअरी १४ तारिखलाई ‘भ्यालेन्टाईन डे’लाई प्रेम दिवसको रुपमा मनाउने गरिन्छ ।

प्रेम दिवस (Valentines Day) को महत्व
प्रेम दिवस आफैमा एक महत्वपूर्ण दिन, युवा युवतीले एक आपसमा प्रेम प्रकट गर्ने दिन । आफूले मन पराएको केटा वा केटीलाई प्रेम प्रस्ताव राख्ने दिन । प्रेम सम्बन्ध स्थापित भएका प्रमि प्रेमिकाको प्रेम अझ दरिलो र सुदृढ पार्न मद्दत पुर्‍याउने दिन प्रेम दिवसको प्रारम्भ तेश्रो शताब्दीको अन्त्यतिर रोमनबाट सुरु भएको हो । तेश्रो शाताब्दीको अन्त्यतिरबाट प्रारम्भ भएको प्रेम दिवस अहिले आएर विश्वभरी नै पैसिद्ध भएको छ । आजको विश्वका युवा युवतीहरु प्रेम दिवसका दिन अत्यन्तै रमाउने गर्दछन् । विश्वव्यापी रुपमा मान्यता पाउँदै गएको यो दिवसले प्रेमको सार्थकता र उचाईलाई अझ बढी उचाईमा पुर्‍याउँदै लगेको छ । प्रेम दिवसको प्रारम्भको ईतिहासलाई र्फकेर हेर्दा नारीसँगको सम्बन्धको कारण सुरक्षाकर्मीहरु कमजोर हुने र गोप्य सूचनाहरु बाहिर जाने डरले रोम सम्राटले प्रेम र विवाहमा रोक लगाएता पनि त्यसको उल्लङघन गर्दै प्रेम दिवसले थुप्रै सैनिक र प्रहरीलाई बैबाहिक सुत्रमा बाँधिएपछि उनलाई सम्राटले मृत्युदण्ड दिए । रोमका एक जेलरकी छोरीसँगको प्रेममा पागल भएका भ्यालेन्टाइनले मृत्युदण्ड पाउनु भन्दा केहि दिन अघि अन्तिम प्रेम पत्र लेखेका थिए ।
उनको समाधिस्थलमा बनाएको स्मारकमा मानिसहरुले प्रेमका कारण उनले गरेको त्याग र प्रेम विवाहका कारण सम्राटबाट पाएको मृत्युदण्डलाई हाँसीहाँसी स्वीकार्नुलाई पूजा गर्दै प्रतेक बर्ष उनलाई श्रद्धाञ्जली अर्पण गर्दछन् । त्यही दिनबाट या भनौँ फेब्रुअरी १४ का दिन युव युवतीले प्रेमपत्र साटासाट गर्न थाले र फेब्रुअरी १४ लाई विश्वभरी नै प्रेम दिवसको रुपमा मनाउन थालियो । अहिलेको विश्वमा प्रेमको माध्यमबाट भावनाहरु साटासाट गरेर प्रेम दिवस-खबभिलतष्लभ मबथ) मनाईन्छ । हामीलाई थाहा भएकै कुरा हो, विक्षिप्तता, घृणा, हत्या,अन्याय, अत्याचा, युद्ध, धोका, दुःख, पिडा जस्ता नराम्रा कुराहरु प्रेमको अभावमा हुने गर्दछ । यसै कुरालाई मनन् गरेर विश्व चर्चित व्यक्तित्व माहात्मा गान्धी भन्नुहन्छ ‘ प्रेम भन्दा ठुलो बस्तु संसारमा अरु केही छैन् ।
प्रेमले पापीलाई पनि सुधार्छ । प्रेम त्यो हतियार हो जसको प्रयोगले शत्रु पनि मित्र बन्दछ । ‘ साँचो अर्थमा भन्ने हो भने प्रेमले मानिसलाई नयाँ जीवन दिन्छ । यस कुरालाई महान् बैज्ञानिक, दार्शनिक चिन्तकहरुले स्वीकारी सकेका छन् । प्रेम भनेको आत्माको आवाज हो, यो कुनै बनावटी कुरा होइन । आजको विश्वमा उमेर पुगेका युवा युवतीहरु प्रेम संसारमा अनुशासित रुपमा लाग्नुलाई अन्यथाको रुपमा मान्नु हुदैन । त्यसो त कलिला उमेरका किशोर किशोरीहरुको बौद्धिकतामा आउन सक्ने कमीले गर्दा प्रेम बन्धन नभएर अ भिसाप पनि बन्न सक्दछ । कलिलो उमेरका किशोर किशोरीहरुले प्रेम भन्दा अध्ययनलाई नै बढी जोड दिनु उपयुक्त हुन्छ । तर उमेर पुगेका ,अध्ययन पुरा गरेर बसेका युवा युवतीलाई भने प्रेमको ठुलो महत्व छ । प्रेम बैवाहि जीवनसँग पनि गाँसिएको छ ।
प्रेमले युवा युवती भित्र लुकेर रहेका अन्तरनिहित भावनालाई प्रस्फुटित गरि दिन्छ र आफ्नो आनन्दमय जीवनलाई अगाडि बढाउँछ । बयस्क अवस्थामा युवा युवतीमा प्रेमको अत्यन्तै आवश्यकता छ । प्रेमले गर्दा नै मानिसको जीवन सफल हुन्छ । प्रेम नभएको दाम्पत्य जीवन असफल र अपुर्ण हुन्छ । बास्तमा भन्ने हो भने प्रेम अदभुत छ, यसमा स्वर्गीय आन्नद लुकेको छ । जीवनको सम्पूर्ण सुख भनेकै यही प्रेममा टिकेको छ । प्रेम दिवसमा युवा युवतीले मन खोलेर आफ्नो प्रेम प्रस्ताव राख्ने गर्दछन् । तसर्थ प्रेम दिवसको महत्व आजको विश्वमा दिन प्रतिदिन बढ्दै गएको छ ।

सुशील कोइराला प्रधानमन्त्री निर्वाचित भएका छन् । व्यवस्थापिका संसदमा सोमबार भएको निर्वाचनमा नेपाली कांग्रेसका सभापति सुशील कोइरालाको पक्षमा ४ सय ५ मत परेको थियो भने बिपक्षमा १४८ मत । लौ बधाई छ सबै नेपालीलाई नयाँ प्रधानमन्त्री प्राप्त गरेकोमा ।

जगदीश भट्टराई/अन्नपूर्ण पोस्ट
पाल्पा : बिहीबार बिहान पौने ६ बजेको झिसमिसे अँध्यारो बीच भालुखोलाको डरलाग्दो पहरो छिचोल्दै दुर्घटना स्थल पुग्दा 'रुन्छ नि मन किन रुँदैन' बोलको रिङ्गटोन भएको मोबाइलको घण्टी बज्यो। उद्धारका लागि पुगेको समूह अचम्ममा पर्‍यो। यत्तिकैमा एक प्रहरी जवानले भने, 'यी यहाँ पनि एउटा लाश रहेछ।'

पोखराबाट बुटवलतर्फ जाँदै गरेको लु.१ ख.४९२४ रात्रिबस पाल्पाको चिदीपानी २ गाविसको भालु खोला र धैरैनीको बीचमा राति २ बजेर २० मिनेट जाँदा दुर्घटना भएको थियो। प्रहरी उद्धार टोली घटनास्थलमा थियो।

खोलाको छेउबाट ठूलै स्वरमा घण्टी बजेपछि सबै चनाखो भए। पहरोमा डोरी तानिएको थियो, प्रहरी जवान त्यही डोरीको सहाराले माथि उक्लिए। लाश विभत्स थियो, क्षतविक्षत थियो। कालो पाइन्टको खल्तीमा रहेको मोबाइल बजेको बज्यै थियो।

हाकिमको आदेश लिएर प्रहरी जवानले लाशको खल्तीबाट बज्दै गरेको मोबाइल निकालेर 'हेलो' के भनेका थिए उताबाट 'रामु भाइ हो' भन्ने आवाज आयो। के भन्ने अन्यौल भएर उनले चट्ट फोन काटे र मोबाइल तल उभिएका पाल्पाका प्रहरी निरीक्षक कृष्ण सापकोटालाई थमाए।

उद्धार गर्दै नेपाल प्रहरी र नेपाली सेना उद्धार गर्दै नेपाल प्रहरी र नेपाली सेना

सापकोटाको हातमा फोन पर्ना साथ फेरि ठूलो स्वरमा घण्टी बज्न थाल्यो, लोकगायक पुरुषोत्तम न्यौपानेको स्वरमा रिङटोन बज्दै थियो, रुन्छ नि मन किन रुँदैन।

सुरुमा उनले पनि फोन उठाउन चाहेनन्। तर एकोहोरो रिङ बजेको बज्यै गरेपछि फोन के उठाएका थिए, उताबाट आवाज आयो, 'म रामको बहिनी बोलेको, त्यहाँ गाडी खस्यो भन्ने सुनेँ। ऊ कस्तो छ?' उनले फोन काटे।

कुनै पनि लाश सग्ला थिएनन्। प्राय थिचिएका, अनुहार चिन्नै गाह्रो पर्ने खालका। अनि सबै पुरुषहरुका मात्रै। उत्तानो परेको अवस्थाको अर्को लाश बोक्न लाग्दा फेरि घण्टी बज्यो। सापकोटा बाध्य भए बोल्न, 'तपाई जिल्ला प्रहरी कार्यालय पाल्पा आउनु होस्, सबै कुरा त्यहाँबाट थाहा हुन्छ।'

घटनास्थलमा रहेका हामी सबै भावविह्वल भयौँ। अनि लाशसँगै उकालो लाग्यौं।

पोखरादेखि स्याङ्जा गल्यांग हुदै बुटवलको सुनौलीका लागि हिँडेको बस राति ८ बजे पोखराबाट छुट्दा आठ जना मात्रै यात्रु लिएर हिँडेको थियो। मध्यरात साढे एक बजे गल्याङ आएर भात खाएका चालकलाई भालुखोलाको उकालोमा निद्रा लागेको कारण बस सडकदेखि तल खसेको हुनुपर्ने प्रारम्भिक अनुमान छ प्रहरीको।

दुर्घटनामा १४ जनाको मृत्यु भएको प्रहरीले जनाएको छ। १२ जनाको घटनास्थलमै र दुईजनाको उपचारको क्रममा मृत्यु भएको हो। मृत्यु हुनेमा सबै पुरूष छन्।


उपचारार्थ भर्ना घाइतेहरु
१. स्याङ्जा जिल्ला चिन्नेबास–७, घर भई हाल पोखरा रामबजारमा बस्ने वर्ष २७ का तुलबहादुर राना,
२. बर्दिया मंगलागढी–९ की ३९ वर्षीया कमला ठकुरी –अवस्था गम्भीर
३. रुकुम मरावाङ्ग–८ बस्ने वर्ष ४३ का नरबहादुर बुढाथोकी
४. वाग्लुङ्ग भकुण्डे–६ बस्ने वर्ष २४ का सूर्यबहादुर खत्री

लुम्बीनी मेडिकल कलेज प्रभास
१. स्याङ्जा पुतली बजार नगरपालिका–२ बस्ने १९ वर्षका
दिपक कुँवर,
२. बर्दिया मंगलागढी–९ बस्ने २७ वर्षकी चन्दा ओली, हाल पोखरा बस्ने
३. रुपन्देही बुनपा–६ बस्ने २४ वर्षका प्रदीप केशरी - अवस्था गम्भीर ।

दुर्घटनामा मृत्युहुनेहरु
१. पाल्पा, मुझुङ्–८ का ३३ वर्षीय रोमन सिं सारु - चालक
२. बाग्लुङ्ग भिमगिठेका २८ वर्षीय मोहन के.सी - गाडीधनी
३. गुल्मी मिहाल पोखरीका २६ वर्षीय गिरीराज भट्टराई
४. गुल्मी सिमिचौरका दिनबहादुर बस्नेत
५. रुकुम मरवाङ् ९ बस्ने वर्ष ३८ का राजबहादुर गुरुङ
६. पर्वत ठूलीपोखरीका बाबुराम आचार्य
७. मोरङ विराटनगरका २१ वर्षीय गोपाल ढकाल
८. बर्दिया मौरागढी –९ बस्ने २१ वर्षीया विराट सिं ठकुरी
९. कास्की भरतपोखरीका २५ वर्षीय बुर्तिबहादुर विक
१०.पर्वत खौलालाकुरी ३ बस्ने वर्ष २२ का राजकुमार सुनार
११.अर्घाखाँची नरपानी ८ बस्ने अन्दाजी ६०–६३ का पदमबहादुर झाक्री
१२.बर्दिया मंग्रागढीका वर्ष २७ का रामु ओली,
१३. दाङ कान्तिपुर कौडिया बस्ने वर्ष ३१ का टेकराज पौडेल
    एक जनाको सनाखत हुन बाँकी ।

अन्नपूर्ण पोस्ट दैनिकबाट

काठमाडौँ, माघ २४ गते ।  नेकपा एमालेका सचिव विष्णु पौडेलले नेपाली काँगे्रसका सभापति सुशील कोइरालाको नेतृत्वमा सरकार गठन हुनुपर्ने बताउनुभएको छ ।
एमालेले सरकारको नेतृत्व दाबी गर्दै अहिले प्रधानमन्त्रीका लागि उम्मेदवारी नदिने प्रष्ट्याए पनि पौडेलले सरकारको नेतृत्व आलोपालो गर्नुपर्नेमा जोड दिनुभयो ।
“हाम्रो पार्टी सबैभन्दा ठूलो दलका नाताले अहिले काँग्रेस सभापति कोइरालाकै नेतृत्वमा सरकार बन्नुपर्ने पक्षमा छ ।  “अहिले एमालेले सरकारको नेतृत्व दाबी गर्र्दैन,” उहाँले भन्नुभयो, “एक वर्षभित्र संविधान जारी गर्ने दलहरूको प्रतिबद्धता छ ।  त्यसअघि एउटा पार्टीले र त्यसपछि अर्को पार्टीले सरकारको नेतृत्व गर्नुपर्छ भन्ने हाम्रो धारणा छ । ”
रिपोर्टर्स क्लबले बिहीबार आयोजना गरेको साक्षात्कारमा पौडेलले आगामी माघ २७ गते नै देशले नयाँ निर्वाचित प्रधानमन्त्री पाउने जिकीर पनि गर्नुभयो ।  सत्ता समीकरणका लागि पार्र्टीद्वारा गठित वार्ता टोलीका सदस्यसमेत रहेका पौडेलले नयाँ जनादेश अनुसार राष्ट्रपति र उपराष्ट्रपतिको निर्वाचन, सरकारको न्यूनतम साझा नीति तथा कार्यक्रम, सरकारको कार्याविधि, संविधान निर्माणलगायतका विषयमा सहमति
नभई एमाले सरकारमा नजाने बताउनुभयो ।
सरकार गठन हुने विषय काँग्रेस र एमालेबीचको सहमतिमा निर्भर हुने बताउँदै पौडेलले काँग्रेस लचिलो भए चाँडो सहमति हुने विश्वास व्यक्त गर्नुभयो ।  यद्यपि वार्ता सकारात्मक दिशामा उन्मुख रहेकोले सहमति बन्ने विश्वास उहाँको थियो ।
राष्ट्रपति र उपराष्ट्रपतिको निर्वाचनलाई एमालेले सबैभन्दा बढी महìव दिएको उल्लेख गर्दै सचिव पौडेलले त्यसमा काँग्रेसले खण्डन नगरेको दाबी गर्नुभयो ।

टेक नारायण भट्टराई
पाल्पा, माघ २३ । पाल्पामा भएको बस दुर्घटनामा १४ जनाको मृत्यु भएको छ। १२ जनाको घटनास्थलमै र २ जनाको उपचारका क्रममा मृत्यु भएको हो।
पोखराबाट भैरहवातर्फ जाँदै गरेको लु १ ख ४९२४ नम्बरको यात्रुवाहक बस सिद्धार्थ राजमार्ग अन्तर्गत चिदीपानी गाविसको वडा नं. २ भालुखोलामा दुर्घटनाग्रस्त भएको हो। बस सडकबाट ५ सय मिटर तल खोलामा खसेको पाल्पाका प्रहरी नायब उपरीक्षक शिवकुमार श्रेष्ठले जानकारी दिए।
बसमा सवार अन्य ७ जना घाइते भएका छन्। घाइतेहरुको तानसेनस्थित युनाइटेड मिसन अस्पताल र प्रभासको लुम्बिनी मेडिकल कलेजमा उपचार भइरहेको प्रहरीले जनाएको छ। दुर्घटना के कारणले भयो भन्ने अहिलेसम्म खुल्न नसकेको र त्यसबारे अनुसन्धान भइरहेको प्रनाउ श्रेष्ठले जानकारी दिए।

बस दुर्घटनास्थलबाट घाइतेको उद्धार गर्दै सुरक्षााकर्मी। तस्बिर : टेकनारायण भट्टराई

दुर्घटनामा मृत्यु भएकामध्ये अहिलेसम्म १० जनाको मात्र सनाखत भएको प्रहरीले जनाएको छ। मृत्यु हुनेमा बस चालक मुझुङ पाल्पा निवासी ३३ वर्षीय रोमन सिंह सारु मगर, बस मालिक बाग्लुङ भीमगिठे निवासी २८ वर्षीय मोहन केसी, गुल्मी सिमीचौर ६ बस्ने बाग्लुङमा कार्यरत प्रहरी जवान दिनबहादुर बस्नेत, गुल्मी म्यालपोखरी १ बस्ने पोखरामा कार्यरत प्रहरी जवान २६ वर्षीय गिरिराज भट्टराई, पर्वत ठूलीपोखरी निवासी बाबुराम आचार्य, रुकुम मरवाङ–९ निवासी ३८ वर्षीय राजकुमार गुरुङ, बर्दिया मगरागढी–९ बस्ने २१ वर्षको विराट सिंह ठकुरी, विराटनगर उपमहानगरपालिका बस्ने ४९ वर्षीय गोपाल ढकाल, पर्वत खैरालाँकुरी–३ बस्ने २२ वर्षीय राजकुमार सुनार, कास्की भरतपोखरी–१ ३५ वर्षीय बुद्धिबहादुर विक रहेको प्रहरीले जानकारी दिएको छ।
राति १ बजेको समयमा दुर्घटना भएको थियो। दुर्घटनाको जानकारी पाएलगत्तै नेपाली सेना, सशस्त्र प्रहरी, नेपाल प्रहरी र स्थानीय वासिन्दा उद्धारमा खटिएका थिए। रातको समय भएकोले उद्धारका लागि निकै कठिनाइ भएको थियो।

संबिधान सभाको निर्वाचन पछी पहिलो पटक जिल्ला भ्रमणमा निस्केको बताउने प्रमुख निर्वाचन आयुक्त निलाकण्ठ उप्रेती यतिबेला गुल्मीको तम्घास पुगेका छन । तम्घास पुगेपछी गुल्मीन्युज सहकर्मी प्रेम सुनार संग उनले गरेको अडियो कुराकानी सुनौँ:

  मोबाईलबाट सुन्न यहाँ क्लिक गर्नुहोला । 

१६ माघ, काठमाडौं । आज सहिद दिवस देशभर विभिन्न कार्यक्रमको आयोजना गरी मनाइँदैछ । राष्ट्रको र जनताको हितका लागि आफ्नो जीवन बलिदान गर्ने सहिदप्रति सम्झना गर्दै यो दिवस मनाउने गरिएको छ ।
नेपालमा प्रजातन्त्र स्थापनार्थ आफ्नो जीवन त्याग गर्ने चार सहिद धर्मभक्त माथेमा, दशरथचन्द्र ठाकुर, गंगालाल श्रेष्ठ र शुक्रराज शास्त्री तथा अन्य सहिदहरुको सम्झनामा यो दिवस मनाउने गरिन्छ । राणा शासन विरुद्ध आवाज उठाएको भन्दै उहाँहरुलाई तत्कालिन सरकारले मृत्युदण्ड दिएको थियो । तिनै सहिदहरुको बलिदान र त्यसबाट प्राप्त प्रेरणाले नेपालमा शासन चलाउने जहानियाँ राणा शासनको अन्त्य भएको थियो भने नेपालमा प्रजातन्त्रको स्थापना भएको थियो । दिवसको अवसरमा राजधानीको लैनचौरस्थित सहिदपार्कमा विभिन्न कार्यक्रमको आयोजना भइरहेको छ ।

काठमाडौं , १४ माघ । प्रहरी संगठनमा राम्रो छवि कायम गरेका प्रहरी वरिष्ठ उपरीक्षक (एसएसपी) रमेश खरेललाई पुन: महानगरीय प्रहरी परिसर काठमाडौको प्रमुखमा सरुवा गरिएको छ ।
काठमाडौं प्रहरी प्रमुखको रुपमा एक कार्यकाल विताइसकेका उनलाई प्रहरी प्रधान कार्यालयले दोस्रो पटक काठमाडौंको प्रमुख बनाएको हो । काठमाडौ परिसरमा रहेका एसएसपी सुवोध घिमिरेलाई भने खरेल प्रमुख रहेको बाग्मती अञ्चल कार्यालयको प्रमुख बनाएर पठाइको छ ।
२०६७ बैशाखमा खरेल महानगरीय प्रहरी परिसर काठमाडौंको प्रमुख बनेर आएपछि उनको छविले काठमाडौमा रहेको गुण्डागर्दी विस्तारै बाहिरी जिल्लामा सरेको थियो ।

काठमाडौं - नेपाल प्रवेश गर्न भिसा लिन चाहनेले अब अनलाइनमार्फत आवेदन दिन पाउने भएका छन्। अध्यागमन विभागले सोमबारबाट यस्तो व्यवस्था सुरु गरेको छ।

वातावरणमैत्री सेवा र कागज खपत कम गर्ने उद्देश्यले अनलाइनबाट भिसा आवेदन दिन पाइने व्यवस्था सुरु गरिएको विभागले जनाएको छ।विभागका अनुसार नेपाल भ्रमण गर्न र बसोबास गर्न चाहने विदेशी नागरिकले 'नेपाल इमिग्रेसन डट जिओभी डट एनपी' लगइन गरी जतिबेला पनि भिसा आवेदन दिन सक्नेछन्।

यसरी आवदेन दिएपछि १५ दिनसम्म सिस्टममा सुरक्षित रहने तथा नेपाल प्रवेश वा भिसा अवधि थप गर्नुअघि अनलाइनमार्फत यस्तो आवेदन देखाउन सकिने विभागले जनाएको छ। सुरुवातमा काठमाडौंस्थित विभागको कार्यालय र त्रिभुवन अन्तर्राष्ट्रिय विमानस्थल अध्यागमन कार्यालयमा यस्तो सुविधा उपलब्ध गराइएको छ। कुटनीतिक र सरकारी भिसा आवेदन भने परराष्ट्र मन्त्रालयको वेबसाइटमार्फत दिन सकिने विभागले जनाएको छ। -रासस

काठमाडौ, माघ ८ । संविधानसभाको पहिलो बैठक सकिएको छ। दोस्रो बैठक माघको १५ गते बोलाईएको छ।

ज्येष्ठ सदस्यको रुपमा अध्यक्षता गरेका सुर्यबहादुर थापाले मन्त्रिपरिषद् अध्यक्ष खिलराज रेग्मीले वैठक आह्वान गरेको पत्र पढेर सुनाएका थिए ।

बैठकले निर्वाचन सम्पन्न भएकोमा सरकार, निर्वाचन आयोग, पत्रकारजगत, पर्यवेक्षक सबैलाई धन्यवाद प्रस्ताव पारित गरेको छ। यसैगरी संविधानसभा कार्यसञ्चालनको नयाँ नियमावली नबनुन्जेल पुरानै नियमावलीअनुसार काम कारबाहीअघि बढ्ने निर्णयसमेत गरेको छ।

काठमाडौ । नेकपा एमालेका युवा नेता एवं सविधानसभाका सदस्य गोकर्ण बिष्टले गुल्मीको आफ्नो क्षेत्रमा चार वर्षभित्र सबै घरमा विद्युत सेवा पु¥याएरै छोडने प्रतिबद्धता ब्यक्त गर्नुभएको छ । उहाँले आफु एमालेबाट निर्वाचित भएपनि अब सबै पार्टीको जनप्रतिनिधि भएकाले सबैको हितमा काम गर्ने बताउनुभयो ।
उहाको सहयोगका लागि गठित बुद्धिजीबी निर्बाचन कमिटीको आयोजनामा बुद्धिजीबीहरुलाई धन्यबाद दिन शंखमुलको एवर्नेस एकेडेमीमा भएको कार्यक्रममा बिष्टले सविधान निर्माण, विकास र जनचाहनालाई एकै साथ सम्बोधन गर्दे जानुपर्ने जनप्रतिनिधिको दायित्व रहेको बताउनुभयो । ‘अब बिचार र कार्यक्रमका आधारमा अगाडि बढनुपर्छ उमेरका आधारमा होइन,’ उहाँले भन्नुभयो ।
बुद्धिजीबी खिमानन्द पन्थीको अध्यक्षतामा भएको कार्यक्रममा राष्ट्रिय योजना आयोगका सचिव युवराज भुसाल, संयुक्त राष्ट्रसंघका पुर्व उपमहासचिब कुलचन्द्र गौतम, नोपल समाचारपत्र दैनिकका सम्पादक टंक पन्त, लायन्स क्लबका अगुवा एवं समाजसेबी भीम पौडेल, एवर्नेस एकेडेमीका अध्यक्ष हरि ज्ञवाली, प्रिन्सिपल बिष्णु अर्याल, बुद्धिजीबी निर्वाचन परिचालन कमिटीका सचिब बिमल घिमिरे, पार्टी प्यालेस संघका उपाध्यक्ष्य बिष्णुप्रसाद भण्डारी, छपनी समाजका अध्यक्ष चिरञ्जीबी भण्डारी, बरिष्ठ लोकगायक बमबहादु कार्की, कुषि मन्त्रायका सहसचिब डा युबकध्वज जोशी, डिल्लीराज भुसाल लगायत बिभिन्न मन्त्रालयका अधिकारी, नागरिक समाज, ब्यापारीहरुले बिष्टलाई बधाइ दिनुभएको थियो । -नेपाल समाचारपत्र दैनिकबाट 

काठमाडौँ, माघ ७। संविधानसभाका नवनिर्वाचित सभासद्हरुले आज आफ्नो पद तथा गोपनीयताको शपथ लिनुभएको छ।

नयाँ बानेश्वरस्थित संविधानसभा भवनमा आज आयोजित विशेष समारोहमा सभासद्हरुले पद तथा गोपनीयताको शपथ लिनुभएको हो।

नव निर्वाचित संविधानसभाका ज्येष्ठ सदस्य सूर्यबहादुर थापाले नवनिर्वाचित सभासद्हरुलाई शपथ गराउनुभएको थियो।

शपथ लिनका लागि सभासद्हरु बिहान ९ बजेदेखि संविधानसभा भवन परिसरमा पुग्नुभएको थियो।

अधिकांश पुरुष सभासद्हरु टोपी, कोट, दौरा र सुरुवालको आफ्नो पहिरनमा हुनुहुन्थ्यो भने कतिपय सभासद्हरु आ–आफ्नो जाति र संस्कृति झल्कने पोसाकमा उपस्थित हुुनुहुन्थ्यो। त्यस्तै धेरैजसो महिला सभासद्हरु सारी–चोलो, कुर्ता – सुरुवालका साथसाथै आ–आफ्नो संस्कृति झल्कने भेषभूषा पहिरिएर शपथ लिन पुग्नुभएको थियो।

प्रायः सभासद्ले नेपाली भाषामा शपथ लिनुभएको थियो भने करिब ३५  सभासद्ले दशवटा विभिन्न मातृभाषामा शपथ लिनुभएको थियो। शपथ कार्यक्रम मध्याह्न १२ बजेर पाँच मिनेटमा सुरु भई झन्डै पाँच मिनेट चलेको थियो।

जाजरकोट, माघ ७।  साल्ट ट्रेडिङ कर्पोरेसन जिल्ला शाखाबाट मात्र वितरण हुँदै आएको आयोडिनयुक्त नुन जाजरकोटका विभिन्न बजारमा महँगो शुल्कमा बिक्री वितरण हुँदै आएको छ।

जिल्ला शाखाबाट प्रतिपोका रु नौ रुपैयाँमा बिक्री वितरण हुने गरेको आयोडिनयुक्त नुन  सदरमुकामलगायत अन्य बजारमा रु ३५salt- देखि ४० सम्ममा बिक्री वितरण हँुदै आएको हो।

कर्पोरेसनको जिल्ला शाखाबाट प्रतिव्यक्ति तीन पोकाको दरले नुन वितरण हुँदै आएको छ। तर बजारका व्यापारीलाई शाखाले क्विन्टलका क्विन्टल नुन लुकाएर दिएपछि जनताले चर्को मूल्य तिरेर लिनुपर्ने बाध्यता सिर्जना भएको हो। अहिले जाजरकोट सदरमुकामलगायत रिम्ना, कालीमाटी लगायतका बजारमा रहेका पसलहरूमा ठूलो मात्रामा आयोडिनयुक्त नुन फेला परेको छ।

सरकारले जाजरकोट लगायतका दुर्गम तथा हिमाली जिल्ल्ाामा आयोडिनयुक्त नुनमा अनुदान दिँदै आएको छ। तर नुन वितरणमा भइरहेको अनियमितता र कमिसनका कारण जनता भने मर्कामा परेका छन्।

व्यापारीको मिलोमतोमा कमिसनका कारण कर्पोरेसन शाखाका कर्मचारीले शाखामा नुनको अभाव देखाई बजारका पसलहरूमा महँगो शुल्कमा किन्न्ा बाध्य बनाएको स्थानीइ जनताको गुनासो रहेको छ।