-कल्पना पौडेल "जिज्ञासु"
पलपल यो जिन्दगीमा हारेर म बाँचेकी छु
आँखाबाट बर्बर आँशु झारेर म बाँचेकी छु

बेदनाको पोको बाहेक छैन केहि आफु संग
त्यसैले त पिउने बानि पारेर म बाँचेकी छु

प्रदेशीएँ बाध्यतामा साना सन्तान छोडेर
उन्कै तस्विर हेरी दिन टारेर म बाँचेकी छु

दुरी टाढा हुँदा आज प्यारा पनि पराइ भए
शोकै शोकले आत्मलाई मारेर म बाँचेकी छु

यसरी नै लिलाम भए खुशी अनि रहरहरु
चाहना छिर्ने मनलाई बारेर म बाँचेकी छु


 गैडाकोट,४,नवलपरासी
 हाल:इजरायल