तिमी मेरी हुन्छु भन....
Published on
3:09:00 AM //
-होमनाथ कुँवर
हुन्छ मात्रै भने पनि, न्यानो माया पोखी दिन्थेँ ।
![](https://blogger.googleusercontent.com/img/b/R29vZ2xl/AVvXsEgzuAfCeN9q-1XTPxhPkliCwQXcBHs8w8KteWxxi-8dnjg6KeA33M2qLoxAXYqDoU7lzbeiWf1dX20yIHZkVzBidZeE2VDNe8fIi2N7RxlTnHz4K_rB50bXjeDVYMDGTUcnpKESl7eNsd5L/s320/true_love_aww.jpg)
उर्ली आउने भेल होस्, चाहे चैतको आँधी हुरी,
सुख-दु:ख हाँसो-खुशी, चोट लाग्दा छाती भरी ।
चौतारीको बरपिपल झैँ, जीवन सँगै काटौँला,
तिमी मेरी हुन्छु भन, मिठो मिठो माया साटौँला ।।
तिम्रो न्यानो अँगालोमा, संसारलाई भूली दिन्छु
जतन गरि सम्हालिदेउ, सदाबहार फुली दिन्छु ।
एक पाइला तिमी चाल, अर्को पाइला म चालौँला
हातमा हात मिलाएर, प्रेमसागर सँगै तरौँला ।।
चौतारीको बरले बरै, सधैं किन एक्लो भन्छ
तिमी बिना आफ्नै छाँया, एकान्तमा झस्काइदिन्छ ।
आफ्नै रुपले सुन्यतामा, आफैलाई गिज्याइदिन्छ
भित्री आत्मा त्यस्तै बेला, लौन चाडै बोलाउ भन्छ ।।
हस्तिचौर, गुल्मी
हाल: यूएई
0 प्रतिकृयाहरु