जिविसले प्रत्येक वर्ष जिल्ला प्रवेश गर्ने मुख्य सवारी नाका रिडीमा ढाड राखेर सवारी कर संकलन गर्दै आएको छ । वाषिर्क १८ लाख कर संकलनका लागि गरिएको टेण्डरमा यस वर्षसबैभन्दा बढी निवेदन परेका हुन् । निवेदन विक्रिबाट मात्रै जिविसलाई ६२ हजार आम्दानी भएको जिविसका सहलेखापाल प्रेम भण्डारीले बताए ।

र्फम खरिद गर्ने अन्तिम म्याद शुक्रवार सकिएको छ । त्यस्तै तम्घास गाविसले संकलन गर्ने सवारी कर र हाटबजार संकलनका लागि गरेको टेण्डर निवेदनमा पनि ९५ जनाको निवेदन परेको तम्घास गाविसले जनाएको छ । 

तम्घास गाविसले सदरमुकाम प्रवेश गर्ने नाकाहरू देउराली, पश्चिम नाकाको अर्खले र अर्घाखाँची बाट आउने नाकाको तम्घासमै ढाड राखेर सवारी कर लिने गरेको छ । गाविस सचिव झविन्द्रलाल भण्डारीका अनुसार देउराली नाकाको लागि १ लाख ९० हजार, अर्घाखाँची तर्फको ३० हजार, पश्चिम जानेको ८५ हजार र कवाडीका लागि ५० हजार कर संकलनका लागि गरिएको आहृवानमा अहिलेसम्म ९३ र्फमले निवेदन   खरिद गरेका छन् ।  

निवेदन विक्रिबाट गाविसलाई २५ हजार ५ सय आम्दानी भएको छ ।

नयाँभावना दैनिकबाट