गुल्मीको पराल्मी गाविसवाट सदरमुकाम तम्घास तर्फ आउँदै गरेको लु १ ज १६९३ नम्वरको उक्त जिप एक घण्टा अघि पराल्मी गाविस २ स्थित पधेरामाथि भन्ने ठाउँमा दुर्घटना हुँदा सहचालक सहित १३ जना घाईते भएका छन् । घाइते सहचालक गौँडाकोट ७ का २९ वर्षका दिपक थापाको अवस्था गम्भीर रहेको र उनको अहिले मिसन अस्पातल पाल्पामा उपचार भाईरहेको छ । त्यसैगरी तम्घास ३का वर्ष ५५ कि माया पोख्रेलको स्थिती पनि चिन्ताजनक रहेको जिल्ला प्रहरी कार्यलय गुल्मीले जनाएको छ । अन्य घाइतेहरु पराल्मी १ का १८ वर्षीय दिलमाया घर्ती, परल्मी १ का २२ वर्षिय लक्ष्मी पुन, पराल्मी १ कै ६ वर्षीय रविन्द्र घर्ती, भनभने ५ का ३२ वर्षीय दिपेन्द्र पन्थी र उहाँका भाई २७ वर्षीय अर्जुन पन्थी, रुपन्देही पर्रोहा ५ का ५२ वर्षिय दुर्गा प्रसाल गौतम, तम्घास ५ का जीपका चालक रुद्र थापा, वलिथुम १ का ५६ वर्षीय टोपकला पोख्रेल, वलिथुम १ कै ३७ वर्षिय कल्पना पुन , वलिथुम ४ का २८ वर्षीय वावुराम पोख्रेल र पराल्मी १ का २ वर्षीय देवेन्द्र पुन  र पाल्पाका ४५ वर्षका कृष्ण लम्तरी सबैको अहिले जिल्ला अस्पातल तम्घासमा उपचार भाईरहेको छ भैरहेको ट्राफिक कार्यालयका इन्चार्ज डोरबहादुर थापाले बताए ।