जनार्दन घिमिरे

नेपालवाट थुप्रै एजेण्टहरुले झुटो आश्वासन देखाँउदै अनाहकमा ठगि गरि भ्रममा पारेर मध्य यूरोपेली मुलुक चेक रिपव्लीकमा पठाउने गरेको हुँदा त्यस्ता भ्रममा नपर्न र दलालहरुवाट नठगिनकालागि त्यहाँ स्थित नेपाली चौतारी एण्ड चेक रिपव्लीक नामक सँस्थाले सम्पूर्ण नेपालीहरुलाई आग्रह गरेको छ ।

गत एक वर्ष अघि वैधानिक रुपमा गर्दा भएको नेपाली चौतारी एण्ड चेक रिपव्लीक संस्थाको हालै पुर्नगठन गरिएको छ । आगामी दिनमा संस्थालाई चुस्त दुरुस्त रुपमा अघि वढाउने उद्देश्य अनुरुप उक्त संस्थाको पुर्नगठन गरिएको संस्थाका अध्यक्ष जितेन्द्र रायमाझीले जानकारी दिनु भएको छ । पुर्नगठित संस्थाको अध्यक्षमा जितेन्द्र रायमाझी मुसिकोट गुल्मी, उपाध्यक्षमा राम कँडेल नवलपरासी, सचिवमा मान वहादुर रोका जुम्ला, कोषाध्यक्षमा सुरज थापा काठमाण्डौ रहनु भएको छ । त्यसैगरि संस्थाको अन्य सदश्यहरुमा चन्द्रवहादुर अधिकारी वाग्लुङ्ग, वैकुण्ठ रायमाझी वामी गुल्मी,हिरा केसी मुसिकोट गुल्मी, विष्णु रायमाझी मुसिकोट गुल्मी र संजय अधिकारी दगातुम्डाँडा गाविस वाग्लुङ्ग निवासी हुनुहुन्छ ।  

चेक रिपव्लिकमा रहेका नेपालीहरुलाई परेको समस्या समाधान गर्ने उदेश्यले गठीत उक्त संस्थाले आगामी दिनमा संस्थाको वेव साईट वनाएर त्यहाँ रहेका नेपालीहरुका खवरहरु वेवसाईट मार्फत अप्डेट गर्ने निर्णय समेत गरेको छ ।