विश्वका एक नम्बर आतङ्ककारी लुकिछिपी बसेको घरमा ठूलो परिमाणमा पोर्नोग्राफीका भिडियो र अन्य सामाग्रीहरु भेटिएको अमेरिकी अधिकारीहरुले खुलासा गरेका छन् । हुन त लादेनले आफ्नो कामुकतालाई कायमै राख्न विभिन्न औषधी प्रयोग गर्ने गरेको समाचारले मिडियामा राम्रै चर्चा पाएको थियो । अस्लिल भिडियोको बरामत र बहुश्रीमती प्रेमले लादेनको कामुकता अहिले सबैसामू छर्लङ भएको छ ।

स्रोतका अनुसार लादेन बस्दै आएको घरमा भेटिएको पोर्नोग्राफी ‘आधुनिक, विद्युतिय माध्यामबाट रेकर्ड गरिएका भिडियो’ हुन् । लादेन बसेको एकान्त घरमा इन्टरनेट सुविधा थिएन । तर त्याहाँ भिडियो मेसिन रहेको खुल्न आएको छ । एक भिडियोमा लादेन स्वयंम् विभिन्न तस्विरहरु हेरिरहेको देख्न सकिन्छ ।

यद्यपी अस्लिल भिडियो लादेन स्वयंम्ले हेरेका थिए वा थिएनन् भन्नेबारे यकिन नभएको अमेरिकी अधिकारीहरुले जनाए । त्यस्तै, घरको कुन स्थानबाट उक्त पोर्नोग्राफी भेटिए भन्ने विषय पनि अहिले खुलाइएको छैन् ।