Gulminews.com

....गुल्मी चिहाउने एउटा सानो झ्याल

सहमतिको राजनीति आबश्यक ः एमाले नेता ज्ञवाली

Published on 6:32:00 PM //

जनार्दन घिमिरे
गुल्मी, २ पुस । नेकपा एमालेका केन्द्रिय सदश्य तथा प्रचार विभाग प्रमुख प्रदीप ज्ञवालीले संबिधान सभाको निर्वाचनबाट नयाँ शक्ति सन्तुलन कायम भएको भन्दै यो जनादेहलाई सम्मान गर्दै राष्ट्रिय सहमती र सह–अस्तित्वका आधारमा सत्ता संञ्चालन गर्नु पर्ने वताउनु भएको छ । उहाँले संबिधान निमार्णको कामलाई सहज वनाउन अनुकुल राजनितीक वातावरण तयार गर्नुपर्नेमा जोड दिनु भयो ।

अहिलेको मुख्य राजनितीक बिषय संघिय लोकतान्त्रिक गणतन्त्र र जनताका अधिकार संस्थागत गरि जनताले आफ्नो महसुस गर्ने संबिधान निमार्ण गर्नु मुख्य अभिभारा भएको नेता ज्ञवालीले वताउनु भयो । उहाँले पार्टीको तर्फबाट एक सक्रिय राजनितीक कार्यकर्ताको हैसीयतले आफु निरन्तर क्रियाशिल रहने बताउनु भएको छ । संबिधान सभा निर्वाचन पश्चात पार्टी कार्यकर्ता तथा मतदाताहरुलाई धन्यावाद दिन क्षेत्र भ्रमण अभियानमा रहनु भएका ज्ञवालीले आज गुल्मीको वामी, मुसिकोट र वडागाउँका पार्टी कार्यकर्ता तथा मतदाताहरुसंग भेटघाटको क्रममा उक्त कुरा वताउनु भएको हो ।  कार्यक्रममा बोल्दै नेता ज्ञवालीले जनताका सुख,दुखमा साथ सहयोग र बिकासका काममा अगुवाई निरन्तर जारी रहने समेत बताउनु भएको छ ।  कमी कमजोरी सच्चाएर पार्टीलाई जनताको भरोसाको केन्द्र बनाउदै आगामी स्थानिय तथा राष्ट्रिय निर्वाचनका लागि पनि कार्यकर्ताहरुलाई उचो मनोवलका साथ पार्टी काममा लाग्न आग्रह समेत गर्नु भएको थियो । 

0 प्रतिकृयाहरु

Leave a comment

Leave Your Comment.....

भिडियो समाचार
लोक दोहोरी
गफगाफ सेलिब्रेटिसँग