गजल
Published on
2:35:00 AM //
-अशिम महत
मधु बनमा न्याउली एक्लै, करायो र रोएँ
खत बसेको घाऊ फेरी, चरायो र रोएँ !!
निसास्सिएं सपनिमा, जङघारमा परेपछी,
बिपनिमा मन मेरो डरायो र रोएँ !!
बिना बादल असिना र पानीले झै चुटेपछी,
आफ्नो मुटु आफैबाट हरायो र रोएँ !!
दैबले झैं खेल गरी बदन ताकी तिर हान्दा,
एउटा मुटु दुई टुक्रा गरायो र रोएँ !!
अश्रुधारा बलेसिमा रुझ्दा रुझ्दै यादहरु,
गोधुलिमा दाहिने आँखा फर-फरायो र रोएँ !
खत बसेको घाऊ फेरी, चरायो र रोएँ !!
0 प्रतिकृयाहरु