-"निराश बिरही" रेशम श्रीस


मैले रुँदा तिम्रो दुख, मेटिन्छ भने
म रोएरै जिउने बाचा गर्छु।
भन मात्र तिमी, खुशी मिल्छ भने
म चिरेरै मुटु यो आधा गर्छु ।

दिगन्त रहोस् यात्रा, नहोस् बिछोडका पल
बाधा नहोस् कुनै, यात्रा बनोस् सरल
मैले टेक्दा काँडा, पिडा सकिन्छ भने
म काँडै टेक्ने बाचा गर्छु ।
भन मात्र तिमी, खुशी मिल्छ भने
म चिरेरै मुटु यो आधा गर्छु ।

एकै बोटका हामी, फूल र पात बनौ
उषामा लाली किरण, सँगै रात बनौ
मैले पिउँदा बिष, शान्ती हुन्छ भने
म बिषै पिउने बाचा गर्छु ।
भन मात्र तिमी, खुशी मिल्छ भने
म चिरेरै मुटु यो आधा गर्छु ।